- Интересот за купување недвижности не покажува знаци на слабеење кај нас, во соседството и во Европа. Цени на становите во Скопје го пробија плафонот од 3.000 евра за квадратен метар, во Белград постигна цена од над 9.000 евра за квадрат, а во Тирана пак, цената на станбениот квадрат забрзано чекори до 2.000 евра.
- Во ЕУ, становите во Бугарија имаат најголем раст, лани пораснале за 16,5 проценти. Од 2010 година досега цените на становите во ЕУ се зголемиле за 54,1 посто.
- Инвеститорите ги гледаат становите како средство за зачувување на капиталот. Миграцијата од руралните кон урбаните средини создаваат постојана потреба за станбен простор, а ниските каматни стапки во последната деценија ги поттикнаа граѓаните да вложуваат во недвижности како безбедна инвестиција, особено во услови на економска несигурност и инфлација, објаснува за Вечер прес професорот Абил Бауш
- Украина извела силен напад со дронови поради што се затворени два битни аеродроми кои го опслужуваат рускиот главен град.
- Руската против-воздушна одбрана срушила девет дрона кои се движеле кон Москва а запалена е хемиска фабрика на 30 километри од Кремљ.
- Во меѓувреме, Русија соопшти дека за првпат во тригодишната инвазија, навлегла во источната украинска област Дњипропетровск што е прва поголема територијална ескалација во последно време.
- Дњепропетровск е важен рударски и индустриски центар за Украина, а подлабокото руско напредување во регионот би можело да има сериозен негативен ефект врз војската и економијата на Киев, кои се во криза.
- Колумбискиот десничарски сенатор и сериозен кандидат за претседателската трка идната година, Мигел Урибе Турбај, беше застрелан додека им се обраќаше на своите приврзаници во квартот Моделија во Богота.
- Најверојатно бил застрелан в грб и глава и веднаш пренесен во болница во која, како што пиша неговата сопруга, се бори за живот.
- Градоначалникот на Богота потврди дека осомничениот атентатор е уапсен а министерот за одбрана, Педро Санчез понуди награда од три милијарди колумбиски пезоси (715.000 долари) за информации кои ќе водат во идентификација на сите вклучени во заверата.
- 39 годишниот Мигел Урибе Турбај е десничарски ориентиран сенатор и влијателен член на опозициската партија Демократски центар, основана од поранешниот претседател Алваро Урибе (не се во крвно сродство). Тој е внук на поранешниот колумбиски претседател Хулио Сезар Турбај и син на новинарката Дијана Турбај, која беше убиена во 1991 година за време на неуспешна операција за спасување откако беше киднапирана од картелот Меделин на Пабло Ескобар.
- Десничарските кругови на социјалните медиуми потсетуваат дека пред Урибе, во Еквадор беше убиен десничарскиот кандидат, Фернандо Виљавиченсио, во Бразил, десничарот Болсонаро беше избоден со нож а во САД Трамп преживеа два обида за убиство.
