Вести › Набрзинка

САД ќе користат воена база во Бугарија за војната во Иран?

20 јули 2026

Премиерот Румен Радев побара од Народното собрание да дозволи во воената база Безмер да бидат стационирани максимум осум американски авиони за долевање гориво во лет, за потребите на воените операции на Блискиот Исток.
Воениот аеродром Безмер во регионот на Јамбол, 260 километри југоисточно од Софија, е објект за заедничка употреба, согласно договорот за воена соработка помеѓу САД и Бугарија од 2006 година.
Во март Софија им одобри на САД да распоредат до 15 воени авиони, со не повеќе од 500 членови на персоналот на аеродромот „Васил Левски“ кај Софија, но побара тие да не се користат во борбени операции. Договорот заврши на крајот на јуни и САД ги повлекоа своите стратегиски авиони КЦ-135 во бази во други земји.
Радев деновиве добил ново барање од Амбасадата на САД авионите да ја користат базата Безмер. „Одлуката мора да ја донесе парламентот. Целосно сум свесен за предизвиците со кои се соочуваме“, изјави Радев.

извор

Исланѓани одбија продолжување на преговорите за влез во ЕУ

30 август 2026

Граѓаните на Исланд на референдум го одбија владиниот предлог за рестартирање на преговорите за пристапување во Европската Унија.
Според нецелосните резултати (преброени 188.500 гласачки ливчиња од 270.000 лица со право на глас), 52,5% од гласачите биле да се дигне рачна.
Поддржувачите тврдеа дека приклучувањето кон Европската Унија би можело да ја стабилизира економијата и да ја зајакне безбедноста во услови на високи каматни стапки до 12% и закани од претседателот Доналд Трамп.
Од друга страна беа оние кои се загрижени за рибарството кое учествува со 40% во извозот на Исланд и околу 8% во БДП. Тие предупредуваа дека државата не смее да ја предаде контролата во оваа област на бирократите од Брисел.
Исланд веќе е дел во Европската економска зона, која гарантира пристап до европските пазари без откажување од законодавната власт; критичарите тврдеа дека целосното членство во Европската Унија би барало усвојување илјадници нови регулативи.
Претходните преговори за пристапување беа прекинати во 2013 година кога евроскептичната влада го одложи процесот.

извор

Советник на Заев вмешан во шпионска афера на Косово

29 август 2026

Името на Виктор Петрушевски, поранешниот советник на Зоран Заев за локална самоуправа, е дел од актуелната афера објавена во медиумите во Косово за наводната поврзаност на Фатмир Шехоли, познат политички аналитичар, со српската безбедносно-информативна агенција БИА.
Шехоли е медиумски работник во периодот на Милошевиќ, човек со признато искуство во српските безбедносни структури, косовски функционер/советник и активист за меѓуетнички односи и познат телевизиски политички аналитичар, пишува МКД.мк.
Според обвинението, на 5 август 2025 година Шехоли испратил документ означен како „Top Secret 2“ на лице заведено како „Виктор Македонија“.
Косовските медиуми пишуваат дека документот содржел политички и стратешки план поврзан со ширење на исламскиот радикализам во Косово и регионот. Во него се зборува за изградба и проширување на верски објекти и за создавање мрежи со влијание во спортот, медиумите, музиката и политиката.

извор