Државниот секретар Марко Рубио наредил во дипломатската преписка повеќе да не се користи фонтот Calibri и да се применува традиционалниот Times New Roman.
Поранешниот државен секретар Ентони Блинкен го воведе поелегантниот фонт, со објаснување дека е полесен за читање за лицата со ослабен вид. Рубио тврди дека за промената на фонтот администрација на Џо Бајден создала трошоци од 145.000 долари.
„Преминувањето на Calibri беше меѓу најнелегалните, неморалните, радикалните или расипничките случаи на диверзитет, еднаквост и инклузија. Тоа беше козметичка корекција што не постигна ништо, освен деградација на кореспонденцијата“, порачал Рубио во телеграма до амбасадите и конзулатите на САД.
Единствени исклучоци од новото правило се меѓународните договори и претседателските назначувања, за кои се користи Courier New 12.
Преку вршителот на должноста главен и одговорен уредник на српскиот јавен сервис, Студенската листа која победи на изборите побарала досиеја на 50 вработени новинари и уредници во РТС.
ВД директорот Боривое Ускоковиќ ги информираше вработените и дека не треба директно да контактираат за изјава или гостување некого од избраните пратеници на листата туку за тоа прво преку меил мора да му се обратат на медиумскиот тим на листата.
Небојша Крстиќ (екс Идоли) кој се зачлени во СНС веднаш по изборниот пораз тврди дека на таа листа има презентерки кои читаат временска прогноза, уреднички на филмска програма и други - политички неспорни- кадри.
Член на управниот одбор на РТС поднесе жалба на ваквата најава за професионален линч, порача дека јавниот сервис не е изборен плен и побара веднаш да престанат заплашувањата на вработените во куќата.
Пред Трамп да му објави војна на Иран, ЦИА изготвила три одделни разузнавачки проценки и во секоја од нив заклучила дека Техеран нема програма за нуклеарно оружје, тврди поранешниот разузнавачки офицер Џон Кирјаку.
Трамп, сепак, повеќе им верувал на информациите што ги добивал од израелскиот премиер Бенјамин Нетанјаху и од Мосад, за кои се потврди дека биле погрешни.
„ЦИА беше прилично доследна во ставот дека војната против Иран е лоша идеја. Анализата покажа дека Иранците се многу поцврсти отколку што веруваа креаторите на политиките“ вели екс-офицерот на ЦИА.
Тим на ЦИА, познат како „црвена ќелија“, чија задача е да размислува надвор од рамките, заклучил дека во случај на војна „Израел е тој што би можел да се распадне и да престане да постои, а не Иран“.
