Вести › Набрзинка

Пушти го Ковачевски нека ака по маркети

20 април 2023

Оглас за асистент на Артан Груби: 65.000 евра за негов помошник додека се гради коридор 8, пренесува А1он.
Огласот е за определено време до 22 јануари 2028 година колку што е планирано да заврши проектот, што значи дека избраниот кандидат за речиси пет години ќе заработи 3.992.964 денари или 65.000 евра нето плата за 57 месечен ангажман.
ЈПДП го распиша огласот според постоечкиот правилник за систематизација кој вели дека вработените ќе работат само 40 часа неделно што е право загарантирно и со Уставот, додека пратениците од власта предложија законски измени за 60-часовна недела за да му се помогне, како што сметаат, на изведувачот да заврши во пократок временски рок.

извор

Европа ги укина наградите за граѓански проекти

12 февруари 2026

Европскиот парламент ги укина традиционалните награди за проекти од граѓани, пред сè како дел од мерките за кратење трошоци, но и поради тоа што го немале „очекуваното влијание врз медиумите“.
Од 2008 година ЕУ наградуваше по 50 граѓански проекти, за кои оценуваше дека придонесуваат за соработка и промоција на европските вредности. По изборите во 2024 година беше запрено издвојувањето пари, а сега наградата е укината.
Мерката ќе заштеди околу 200.000 евра годишно, главно од буџетот за комуникации за кој се издвојуваат 127 милиони евра.
„Наградата се покажа како сложен процес кој бара многу ресурси, а испорачува минимални резултати и има занемарливо влијание врз медиумите... Искуството покажа дека наградените проекти не привлекоа доволно внимание на локално и регионално ниво и не придонесуваа значително за видливоста на Парламентот“, објаснува генералниот секретар Алесандро Кокети.
Тој истакна дека наградата повремено ја оцрнувала репутацијата на Парламентот поради „сомневањата за политичко влијание врз некои номинации или обвинувањата за злоупотреба во кои се вклучени некои добитници“.

извор

Ќе гласаат ли само Американци на изборите во САД?

12 февруари 2026

Претставничкиот дом на САД го усвои законот со кој се бара граѓаните да го докажат своето државјанство со пасош или извод од матичната книга на родените за да се регистрираат за гласање. Сегашниот закон бара од гласачите да го потврдат своето државјанство под заклетва.
Според новиот закон, Американците ќе мора да се легитимираат со документ со фотографија издаден од државата за да гласаат на избори. Во гласовите испратени по пошта ќе треба да приложат копија од личен документ со фото.
„Тоа е здрав разум. На Американците им е потребна лична карта за да возат, да отворат банкарска сметка, да купат лек за настинка, да побараат владина помош... Зошто гласањето би било поинакво?“, изјави спикерот на Претставничкиот дом, Мајк Џонсон.
Сепак, законот може да заглави во Сенатот, каде на опозициските демократи им се потребни 41 глас (имаат 47) за да го блокираат со вечно одлагање. Демократите тврдат дека гласањето на лица кои не се државјани веќе е „нелегално и многу ретко“.
Анкета на центарот Пју во август покажа дека 83% од Американците се за легитимирање на гласачите со лична карта со фотографија. За тоа се определиле и 71% од демократите и 76% од Афроамериканците, за кои либералните активисти тврдат дека ќе бидат погодени од новите правила.
Организацијата Southern Poverty Law Center проценува дека 21 милион Американци немаат ниту пасош ниту извод од матичната книга на родените.

извор