Вести › Набрзинка

Почина Игор Мандиќ

14 март 2022

На 83 години почина Игор Мандиќ, за чиј 82 роденден потсетивме дека се работи за енфан терибл на хрватската јавна сцена, брилијантен и бескомпромисен полемичар, есеист, критичар и новинар со 30-тина книги зад себе. И пред се хедонист, од оној формат каков што веќе не се прави.
Види „Вака тоа треба на 82 години“
Види „Игор Мандиќ за разликата меѓу пијанството и пијаноста“

17 јуни 2026

Земјите од блокот Г7 ѝ ветија на Украина дека ќе ѝ испратат повеќе оружје за да го забрзаат нејзиниот „напредок на бојното поле во војната со Русија во изминатите месеци“.
Ќе ја зголемат испораката на системи и пресретнувачи за противвоздушна одбрана, како и ракети со долг дострел, соопшти Елисејската палата, како домаќин на самитот.
Паралелно со поддршката за Украина, Г7 најави и поостри санкции за Русија, главно за нафтениот и гасниот сектор.
На лидерите од Г7 денеска треба да им се придружат директорите на водечките технолошки компании - Сем Алтман од OpenAI, Демис Хасабис од Google DeepMind и Дарио Амодеи од Anthropic - на разговори за иднината на вештачката интелигенција и доминацијата на САД во индустријата.

17 јуни 2026

Синиот Рефлектирачки базен пред Споменикот на Линколн во Вашингтон, на чие реновирање Трамп потроши 14,2 милиони долари, стана зелен од густите алги.

Работници вчера истурале хемикалии за белење во базенот, но ефектите биле видливи само еден метар покрај рабовите. Наводно била користена и технологија со наномеурчиња за уништување на алгите.

ЦНН независно анализирал примерок од водата. Резултатите покажале ниво на фосфати далеку над препорачаните за да се спречат алгите, но тие продолжуваат да се шират.

Растот на алгите во базенот е проблем за администрациите во Белата куќа уште од 1920-тите.
„Во споредба со претходните администрации, Службата за национални паркови всушност го одржува прекрасно завршениот Рефлектирачки базен“, соопшти портпаролот на Oдделот за внатрешни работи. „Технологијата на наномеурчиња успешно го уништи цветањето на алгите што го мачеше секое повторно отворање на базенот од 1922 година.“