Вести › Набрзинка

Мицковски: Ќе ја кажам срамната придавка, во моментов сум немоќен

23 јуни 2024

Луѓето што ме знаат, тие знаат дека мојот збор планина тежи. Ќе правам сè додека сум жив неправдата да ја исправам, во овој момент сум немоќен. Ќе морам да ја кажам таа срамна придавка, изјави мандаторот Христијан Мицкоски на седницата за избор на нова Влада.
Тој рече дека нападите што ги слуша овие два дена се сведуваат на две тези – Преспанскиот договор и Францускиот предлог.

„СДСМ, не ја научивте лекцијата. Со овие лаги и конструкции нема да ја повратите довербата, ќе треба време да ја вратите. Изборите ги изгубивте бидејќи играа фудбалчиња вашите коалициони партнери, понижувајќи ве вас, ви се случи Ласкарци, Беса Транс“, рече Мицкоски.
Тој напомена „ваков бугарски диктат додека сум јас премиер нема да помине и уставни измени нема да има. Пред да влегувате во авантури требаше да седнеме да разговараме“.

извор

Јапонското летало се урна на Месечината

6 јуни 2025

Јапонското вселенско летало Resilience на Ајспејс се урна на Месечината и ја изгуби контролата со контролната мисија на Земјата.
Ова е втора неуспешна мисија на приватна компанија за спуштање летало на Месечината. Ајспејс дека ќе ги анализира грешките и ќе направи трет обид во 2027 година.
Resilience требаше да се спушти во регионот на Mare Frigoris (Морето на студот) на страната што е видлива од Земјата. Телеметриските податоци се прекинале 105 секунди пред планираното спуштање. Тоа се толкува дека системите погрешно го процениле растојанието до површината и слетувањето било со преголема брзина.
Многу приватни компании настојуваат да спуштат свои летала на Месечината. Во 2019 година пропадна обидот на израелскиот лендер Beresheet. Во 2024 година американската мисија Astrobotic беше прекината веднаш по лансирањето. На Месечината се спушти леталото Odysseus на приватна компанија од Хјустон, но се преврте по една недела. Слично завршија и леталата Athena и Blue Ghost.

извор

Кинези фатени со „агротерористичко“ оружје во САД

5 јуни 2025

Двајца кинески државјани се приведени во САД поради шверц на токсична габа, која е опишана како потенцијално „агротерористичко оружје“ за уништување прехранбени култури.
Јунчинг Џијан, вработена како истражувач на Универзитетот во Мичиген и нејзиното момче Ѕунјонг Лиу, вработен на универзитет во Кина, со себе донеле во САД примероци од Fusarium graminearum, габа што скаменува зрна на пченка, пченица и други жита.
Лиу во Џеџијанг работел на проучување биолошки патогени со потенцијал да заразат земјоделски култури. Сакал да ги испита габите во лабораториите на кои работи неговата девојка.
Лиу бил итно депортиран во Кина, а Џијан е уапсена. Истрагата утврдила дека таа добивала финансии од Комунистичката партија на Кина за истражување патогени, изјави директорот на ФБИ, Каш Пател.
Државниот секретар Марко Рубио пред една недела најави дека САД „агресивно“ ќе ги поништуваат визите на кинеските студенти, особено на оние кои одржуваат врски со Комунистичката партија и кои работат на „критични полиња“.

извор