Вести › Набрзинка

Меркел призна дека само го залажувале Путин за да ѝ купат време на Украина за војна

10 декември 2022

Поранешната германска канцеларка Ангела Меркел во интервју за „Ди Цајт“ признава дека со договорите од Минск го залажувале Путин за да се обезбеди време Киев да се вооружи и зајакне.
„На почетокот на 2015 година Путин лесно можеше да ја освои територијата на Донбас. Киев беше принуден да го прифати договорот од Минск по катастрофалниот пораз на украинската армија кај Дебалцево“, изјавила Меркел.
Договорот од Минск од 2015 година вклучуваше прекин на огнот, повлекување на тешкото оружје од линијата на конфликтот и уставна реформа за децентрализација на Украина, врз основа на која ќе се донесе закон за посебен статус на регионите Доњецк и Луганск. Но, Запад и Киев никогаш немаа намера да ги спроведат договорите.
„Потполно неочекувано. Секогаш претпоставував дека раководството на Сојузна Република Германија ќе се однесува чесно со нас“, ги коментираше Путин признанијата на Ангела Меркел.

извор

Трамп до Њујорк: Гласајте за демократ, никако за комунист

4 ноември 2025

Претседателот Доналд Трамп им се закани на граѓаните на Њујорк дека ќе ги остави без федерални фондови ако го изберат Зохран Мамдани за градоначалник.
„Ако комунистичкиот кандидат Зохран Мамдани победи на изборите, малку е веројатно дека ќе придонесувам со федерални средства, освен потребниот минимум, за мојот сакан прв дом. Не сакам да фрлам добри пари“, порача Трамп.
Претседателот не решава колку пари кој град добива од федералната влада. Откако Белата куќа ја поништи одлуката за испраќање 34 милиони долари за Њујорк заради заштита од тероризам, федерален судија ја поништи блокадата, која ја оцени како „арбитрарна, каприциозна и грубо прекршување на законот“.
Трамп ги повика њујорчани да го дадат својот глас за поранешниот демократски гувернер Ендру Куомо, кој настапува како независен кандидат, а не за републиканскиот Куртис Слива. „Секој глас за Слива е глас за Мамдани. Повеќе сакам да победи демократ, кој беше успешен, отколку комунист без искуство и со историја на целосен и тотален неуспех“, порача Трамп.

Гласањето е денеска. Последните анкети покажаа дека рејтингот на Мамдани е 46%, на Куомо е 32%, а на Слива 16,3%.

извор

Британија забрани протести пред домови на пратеници

4 ноември 2025

Активисти што протестираат пред домови на пратеници во Англија и во Велс ќе бидат соочени со казна до шест месеци затвор, согласно новиот закон за заштита на политичарите од вознемирувања. Амандманот не ги опфаќа службените резиденции – протестите пред Даунинг Стрит ќе останат дозволени.
Министерството за внатрешни работи ги опишува протестите како „токсично однесување“. Анкета спроведена од Долниот дом на Парламентот покажа дека 96% од пратениците барем еднаш биле „жртви на вознемирување или заплашување“.
Министерот за безбедност Ден Џарвис тврди дека заплашувањето на политичарите е поголема закана за демократијата од ограничувањето на правото на протести. „Мерката е сериозен, но неопходен и пропорционален чекор. Таргетирањето на носителите на јавни функции во нивните домови ја преминува границата - тоа е заплашување, а не протест“, изјави Џарвис.
И домот на Кир Стармер беше цел на протести кога сегашниот премиер беше лидер на опозицијата. Групата Youth demand постави детски чевлички на неговиот праг, барајќи лабуристите посилно да се спротивстават на продажбата на британско оружје на Израел.

извор