Вести › Набрзинка

„Љубовно писмо“ до директорката на Сорос

7 јули 2022

Поранешен правен асистент во Европскиот суд за човекови права, Велимир Деловски ѝ напиша „љубовно писмо“ на директорката на фондацијата Отворено општество Фани Каранфилова Пановска како одговор на обвинувањата дека говорниците на протестите ширеле говор на омраза и поттикнувале насилства.
Преку протестите се изразува несогласување со непримерното однесување на ЕУ бирократите и уште повеќе- долгогодишната сервилност на нашата дипломатија и политика. Нивната цел не е да се покаже омраза кон било кого туку да се реагира на невидениот говор на омраза на кој сме изложени од Бугарија, а што дрско и неевропски е поддржано од ЕУ.
Доста веќе со смешни флоскули за мултикултуралната разноликост, која во пракса се претвори во биетничка корупција и поделба на пленот меѓу поглаварите на двата етничко-политички клана- македонски и албански.
Верни исполнувачи бевте на многу агенди во минатото кои беа пишувани надвор и не произлегоа како автентична волја на Македонците и македонските граѓани за тоа во каква земја сакаат навистина да живеат. Продолжувате понатаму, сосема безскрупулозно, без усул, и без допир со реалноста.
Зарем засекогаш ќе останете на страната на глобалните лидери и домашните корумпирани елити, никогаш со граѓаните?

* Соопштението од Сороз - овде

извор

Администрација: Два кеца за црвен картон

19 октомври 2026

Собранието ги усвои измените на Законот за административни службеници со кои административците што две години по ред ќе добијат оценка „1 - не задоволува“ ќе го загубат работното место.
Освен построги правила за оценување, законските измени носат и промени во напредувањето, дисциплинската одговорност и организацијата на административната служба. Власта тврди дека целта е поефикасна, потранспарентна и попрофесионална администрација, додека опозицијата предупредува дека дел од решенијата отвораат простор за политички притисоци врз вработените.
Една од клучните новини е укинувањето на можноста за унапредување без претходно објавување интерен оглас.
Опозициската СДСМ не ги поддржале измените. „Една работа да пофалевте, да речете добро е, се исправи една работа“, рекол координаторот на пратеничката група на ВМРО ДПМНЕ Никола Мицевски.

извор

Обвинет за лажен исказ, вештак продолжил да сведочи за „Пулс“

19 октомври 2026

Вештакот Петре Русески, ангажиран од одбраната во случајот со пожарот во дискотеката „Пулс“ во Кочани, на денешното рочиште рече дека не смета дека постои основ за негово изземање, откако Обвинителството откри дека е обвинет за давање лажен исказ во друг предмет.
Рекол дека за обвинението против него 2 години немало рочиште.
Русески остана на ставот дека од градежен аспект објектот одговорил на својата намена и дека изведените зафати претставувале „градежно-занаетчиски работи“. Овој вештак го изработи градежното вештачење за одбраната на првообвинетиот Дејан Јованов и за двајца други обвинети.
Родителите на децата што ги загубија животите во пожарот во дискотеката Пулс, остро реагираа на изнесените тврдења во судницата од страна на вештакот на одбраната и на минатото рочиште. Александар Наунов, во изјава за медиумите на паузата од минатото рочиште, истакна дека “изведените градежни зафати не може да се третираат како обични занаетчиски работи со цел да се избегне одговорноста за градење без одобрение”, потенцирајќи дека судскиот процес “не е само за градежни конструкции, туку за безбедноста, одговорноста и загубените човечки животи”.

извор