Вести › Набрзинка

Левица поднесе кривична пријава против Шкодране Дардишта

22 ноември 2021

Левица поднесе кривична пријава против актуелната владина членка на Одборот на директори на АД „Телеком“ Шкодране Дардишта, поради сомневање за „Предизвикување омраза, раздор или нетрпеливост врз национална, расна, верска и друга дискриминаторска основа“ – казниво по чл. 319, ст. 1 од Кривичниот законик на РМ, со запретена затворска казна од една до пет години.
Пријавената се терети дека преку Фејсбук објавила заканувачки статус во кој се повикува на Војната од 2001 година, во која животот го загубија стотици македонски граѓани.
Кривичното дело е сторено против државата и нејзините државјани, со цел да се повредат националните чувства на Македонците, а инспирирано од длабока национална омраза и меѓуетничка нетрпеливост.

извор

ДДо 2030 Полска ќе има повеќе тенкови од Британија, Германија, Франција и Италија - заедно

4 август 2025

Четирите наведени земји вкупно имаат 950 тенкови. Само две европски членки на НАТО - Турција и Грција, ќе имаат повеќе тенкови од Полска откако ќе се потпише нејзиниот најнов договор со Јужна Кореја.
Полска од САД има купено тенкови Абрамс, лансери ХИМАРС, системи за противракетна заштита Патриот... На почетокот на годинава, американскиот министер за одбрана Пит Хегсет ја нарече Полска „сојузник за пример.“
Од Јужна Кореја купуваат 180 тенкови К2 а договорот вреди преку 6 милијарди долари.
Полска за НАТО моментално издвојува 4,7 проценти од својот БДП што е најголем удел меѓу земјите членки.

извор

Георгиевски: Слепа држава

4 август 2025

Кога некој љубопитник од некои далечни и непознати краишта ќе ве замоли да му ја објасните Македонија, не мора да зборувате за нејзините природни убавини (Господ бил дарежлив и тука, и на други места), ниту за вкусно зачинетата храна или за добрите вина (го има и тоа на други места). Доволно е само да му го раскажете ова што подолу ќе го опишам. Тоа буквално го нема никаде во светот.
Возел, ете, некој комбе по некаков локален пат. Пешаци се движеле крај банкините на патот, бидејќи, нели, кај нас е сосема нормално на таквите патишта да нема тротоари. Од невнимание или небрежност, човекот закачил извесна госпоѓа со ретровизорот од комбето. Жената незгодно паднала, ѝ се распукала лобницата, се скинале вратните пршлени и жената починала на самото место.
Ќе кажете трагично, ама ништо невообичаено, секој ден секаде се случуваат такви несреќи. Ама не се случува ова: човекот има лекарска „тапија“ дека е 99 проценти слеп!

извор