Вести › Набрзинка

Драган Ѓилас против Кристофер Хил

13 септември 2024

„Господине Хил, во вашата изјава дека 'во протестите против литиумот гледате борба против патот на Србија кон запад', јас гледам потврда на гласините дека сте на платен список на Александар Вучиќ“, пиша српскиот опозиционер во отворено писмо до американскиот амбасадор во Белград.
Навистина не знам како поинаку да објаснам дека во борбата за демократски вредности, за здрав живот, за спречување на загадувањето на голем дел од Србија, значи за европски т.е. западни вредности, вие го гледате тоа што рековте“.
Со Вучиќ завршивте голем дел од правењето на независно Косово, го завршивте бизнисот за Бехтел и Енка, за вашите компании кои се бават за соларна енергија... За ваша жал, со Вучиќ не можете да го завршите и вадењето на литиумот, бидејќи за тоа Вучиќ веќе не се прашува. Се прашува народот, а тој кажа не“, напиша Ѓилас.

извор

Моторџиите ќе ги ловат камери по задната таблица

1 септември 2026

Затоа што камерите од „Безбеден град“ ги снимаат возилата однапред а мотоциклите имаат таблички одзади, МВР поставило дополнителна опрема на избрани локации и веќе ги регистрира прекршоците.
Опремата била инсталирана на локации со најдобри технички услови и првиот ден регистрирале десетина прекршоци за недозволена брзина.
Министерот за внатрешни работи, Панче Тошковски, рекол дека до 1 септември 2025 година загинале 96 лица. Во истиот период годинава имало 60 жртви. Тоа е за 36 загинати помалку во споредба со истиот период лани.

извор

Учениците добија неочекувана задача од министерката

1 септември 2026

„Ако продолжиме вака, ние постојано ќе затвораме училишта. Оттука, можеби порака до првачињата: освен да бараат да стекнат знаење, можеби треба да бараат да стекнат братче или сестриче за овие привремено затворени училишта во иднина повторно да ги отвориме“, изјави министерката за об„разование, Весна Јаневска, на почетокот на школската година.
„Пред две години направивме три сликовници за прво до трето одделение, со наслов „Јас, мама, тато, дада и бато“. Се надевам дека училиштата ги користат“.
Сè што правиме е многу сериозно – инфраструктура, технологија, нови наставни програми, нови наставни помагала, учебниците се редовно снабдени. Сè со цел да им е попријатен животот на децата во Македонија. А кога на децата им е убаво, и нивните родители ќе сакаат, претпоставувам, да останат тука и ќе се охрабрат да имаат повеќе дечиња“, рече министерката.

извор