Вести › Набрзинка

Даниловски: Што заклучивме по две години пандемија?

14 март 2022

Дека имаме здравствен систем на стаклени нозе.

Дека немаме стратегија за глобални кризи со голем број жртви.

Дека немаме доволно медицински кадар и материјални ресурси за адекватен одговор при зголемен притисок врз здравствениот систем.

Дека немаме капацитет за целосно спроведување на било какви мерки.

Дека политиката е поважна од науката.

Дека бизнисот е поважен од човечките животи.

Дека лекувањето на болните од ковид е воглавно импровизација, зашто т.н. протоколи не се издигнати на ниво на законска обврска.

Дека еснафските здруженија се мртво слово на хартија.

Но и:

Дека народот нема доверба во институциите на власта.

Дека огромно мнозинство нема чувство за заедништво, за заеднички општествен интерес.

Дека нема трошка емпатија за страдањата на својот ближен.

Дека основната смисла на животот ја гледа во кафеаните, журките.

Дека образованието ни е катастрофално.

Дека, заради тоа, огромно мнозинство граѓани веруваат повеќе во теории на заговор, отколку на науката.
Ако ни е за утеха, се покажа дека тоа не е само кај нас така. Целиот Запад покажа, помалку или повеќе, исти симптоми. Пандемијава ни ја тресна в очи вистината дека сме живееле во општества-холограми. Но, заклучивме и дека „несреќата никогаш не доаѓа сама“! Дефинитивно е време за тотален „ресет“.

извор

Италија бара Шпанија да биде суспендирана од Шенген зоната

31 јули 2026

Премиерката Џорџа Мелони побара Шпанија итно да биде суспендирана од Шенген зоната за патување низ ЕУ без визи, откако илјадници мигранти извршија инвазија врз шпанската територија Сеута на брегот на Африка. Ги опиша како „шокантни“ снимките како илјадници луѓе, претежно млади мажи, пливаат до брегот на Сеута и се префрлаат преку границата од Мароко во Шпанија.

Локалните шпански власти објавија дека во хаосот загинале најмалку девет мигранти. Според официјални извори, границата нелегално ја преминале над 1.500 луѓе, но репортери од Сеута јавија дека пристигнале најмалку 5.000 мигранти.

„Сликите од Сеута покажуваат како одлуката на владата на Мадрид да им додели шпанско, а со тоа и европско, државјанство на над 500.000 нерегуларни имигранти е длабоко погрешна и поттикнува трговија со луѓе“, претходно објави шефот на дипломатијата Антонио Тајани.
Вицепремиерот Матео Салвини повика на привремено суспендирање на целата Шенген зона, во која се 29 европски земји.
Шпанскиот министер за надворешни работи, Хозе Луис Албарес, го обвини Рим дека ја користи имиграцијата како оружје за политички цели. „Од партнерска и пријателска земја очекуваме европска солидарност, а не партиска демагогија“, порача Албарес.

извор

Хамас прифати да го предаде оружјето на Одборот за мир на Трамп

31 јули 2026

Хамас и другите палестински милитантни групи во Газа го прифатија планот за „попишување и складирање“ на оружјето, предложен од Одборот за мир на Доналд Трамп.
Во договорот се избегнува терминот „разоружување“, што значи дека оружјето ќе биде предадено „на чување“ на палестинскиот Национален комитет, како неутрална страна, додека Израел не ги повлече своите сили од Газа. Израел не се произнесе веднаш дали го прифаќа ова.
Прецизниот план за предавање на оружјето мора да биде изготвен во рок од 14 дена. Прво ќе биде предадено оружјето од полицијата, а потоа тешкото оружје на военото крило на Хамас.
„Овој договор е критичен чекор кон тоа Газа конечно да биде управувана од нова палестинска влада, која тесно ќе соработува со Одборот за мир за да му помогне на палестинскиот народ. Израел ќе ја има безбедноста што ја заслужува, бидејќи Газа повеќе нема да се користи како база за терористички напади“, порача Трамп.

Спроведувањето на планот зависи од Израел, кој постојано го прекршуваше прекинот на огнот. Откако примирјето стапи на сила, во израелски напади беа убиени повеќе од 1.200 Палестинци, а израелските сили ја проширија зоната на дејство во Газа.

извор