Вести › Набрзинка

Бразил со клизачи по западните новинари

14 јули 2022

По состанокот на Советот за безбедност на Обединетите нации во Њујорк, бразилскиот министер за надворешни работи држи прес-конференција. На пресот, го прашуваат за соработката со Русија и купувањето на дизел од таму.
Меѓу другото го прашуваат и дали смета дека Бразил на овој начин ја финансира руската инвазија, на што министерот Карлос Франка одговара:

„Би требало прво да го прашате германскиот канцелар Олаф Шолц за тоа што Германија се уште купува руски гас, па потоа јас ќе одговорам.“

извор

Златен медал за Македон на Германската математичка олимпијада

27 декември 2025

Македонското чудо од дете, Македон Димитровски, освои златен медал на Германската математичка олимпијада, натпревар на кој учествуваат најдобрите млади математичари од повеќе земји.
Со овој врвен резултат, младиот Македон се квалификуваше за суперфиналето, кое ќе се одржи во мај во Франкфурт.
Успехот претставува големо признание за неговиот исклучителен талент, посветеност и љубов кон математиката, но и доказ дека и од нашата земја доаѓаат млади умови кои рамноправно се натпреваруваат со светската елита.

извор

СДСМ ќе го исклучува Јован Деспотовски

27 декември 2025

„Јован Деспотовски, член на СДСМ, дејствува како петтоколонаш, предавник одвнатре, во договор со членови на ВМРО-ЗНАМ, кои со заеднички сили се обидуваат да ја дестабилизираат партијата преку медиумска кампања“, го објаснува СДСМ барањето за негово исклучување.
Велат дека тој „ја урива партијата одвнатре, соработувајќи со сили што претставуваат современ еквивалент на фашистичките окупатори“. И дека акцијата е координирана и финансирана од СНС и Вучиќ.
Да се насмееме: Тоа се правело „токму во моментот на подем на партијата“.
„Искрено, после 30 години политички стаж најмалку очекував токму мојата матична партија да ме остави целосно без зборови и коментар. Во сите јавни настапи сум бил максимално умерен дури и во ситуации и за луѓе кои апсолутно заслужиле остар став. Ако таа умереност сега станува закана за актуелниот партиски врв тогаш СДСМ има многу поголем проблем отколку што и мислиме“, вели Деспотовски.

извор