Опозицијата преку амандман се обиде да го спречи законското зголемување на рокот во кој инвеститорот на коридорите ќе може да ги користи сите минерални суровини кои ќе се најдат на трасата.
За неа е нејасно како се предложуваат измени на закони за договор кој никој го нема видено.
„Каква неодговорност кон граѓаните; да жртвувате природно богатство, да жртвувате човекови права, да жртвувате право и правда, и да тврдите дека со тоа ќе влезете во историјата, а ние ќе бидеме запаметени, замислете, како некои кои не ја разбрале историската улога на оние кои што „гледаат напред.“, рече Гордана Силјановска.
Во Собранието се уште нема најави кога ќе продолжи комисиската расправа за законските измени со кои работната недела треба да се зголеми од 40 на 60 работни часа. Расправата заглави откако Левица поднесе 1111 амандмани.
Највлијателната американска медиумска личност порача дека веќе не се смета за републиканец и дека не е сам во тоа напуштање на партиските бои.
Карлсон оценува дека Републиканската партија ги изневерила гласачите со тоа што ги ставила интересите на Израел пред американските.
„Како може кој било Американец да поддржи политичка партија која не е лојална на САД?“ праша Карлсон кој ги поддржуваше републиканците цели 35 години.
Истовремено, тој ја отфрли можноста да им даде поддршка на демократите и рече дека не е сигурен за кого ќе гласа следниот пат.
Влегувањето во војна со Иран сериозно го подели МАГА телото особено откако Марко Рубио се излета и кажа дека на таква одлука Трамп се решил по наговор на Нетанјаху.
17,3 милиони Германци, односно 21% од вкупното население, живееле во домаќинства кои лани не можеле да си дозволат да отпатуваат на еднонеделен годишен одмор поради лоша финансиска ситуација, покажува извештај од Федералното биро за статистика.
Одморот во анкетата не бил дефиниран само како туристички аранжман, туку опфаќал и престој кај пријатели, роднини или во сопствен капацитет.
Самохрани родители биле уште потешко погодени. Само 39% можеле да си дозволат да заминат на одмор со децата.
Сепак, Германците се во поповолна состојба во споредба со просекот во Европската Унија од 28%.
Дури 61% од Романците живеат во семејства што немаат пари да заминат на еднонеделен одмор. На дното на листата се и Грција со 47% и Бугарија и Унгарија со по 39%, според Еуростат.
