Вести › Набрзинка

Амбасадорски ветеран: На Македонија ѝ се подготвува огромно предавство

14 јули 2022

Поранешниот амбасадор, сега член на Советот на амбасадори, Љупчо Арсовски предупреди дека со францускиот предлог на Македонија ѝ се подготвува огромно предавство, пренесувајќи дека бугарските медиуми го објавиле „протоколот кој го крие предавничката македонска власт од народот“.
Протоколот е составен од преговарачка рамка, за која двете страни се договориле да биде криена од народот, значи го лажат народот дека протоколот е само формален, тоа што е јасно е дека нема да има датум, Македонија нема да добие датум сѐ додека не ги исполни бугарските услови од протоколот!
Македонија нема да добие датум се додека не ги смени учебниците под контрола на Бугарија, односно сè додека не ја бугаризира својата историја!
Македонија нема да добие датум сè додека не ги смени написите на спомениците, односно македонските херои да бидат запишани како бугарски!
Во текстот на преговарачката рамка која треба да ја усвои македонското собрание, ќе биде изоставен делот за македонскиот како дијалект на бугарскиот јазик, за да нема револт, па потоа ќе биде обелоденето дека е прифатено да биде дијалект на бугарскиот јазик, преку декларации (затоа Османи цело време го лаже народот дека јазикот е обезбеден и дека предлогот не задира во идентитетот, а всушност е договорено да ги објават декларациите подоцна).
„Мудроста е да се предвидат последиците“, пишува во постот.

извор

Исламистички напад врз Парадата на гордоста во Берлин

26 јули 2026

Германската полиција трага по исламистичкиот екстремист Абдул Б., кој синоќа со комбе влета во толпа на Парада на гордоста во парк во центарот на Берлин. Едно лице загинало, а 16 се повредени, вклучувајќи тројца во критична состојба.
Осомничениот имал полициско досие поради поврзаност со исламистички кругови. Во мај бил пуштен од поправен дом за малолетници.
Се истражува и дали во нападот учествувале и други лица, кои биле заедно со Абдул во комбито. Неколкумина од повредените имале рани од убоди со нож, а сведоци пријавиле дека виделе маж кој носел мачета.
Во потрагата се вклучени службите за безбедност во Холандија, Белгија, Луксембург, Франција, Австрија, Швајцарија, Чешка, Полска и Данска.

извор

Украина нападна ирански трговски брод

26 јули 2026

Украински воени дронови погодиле ирански трговски брод во Касписко Море. При експлозијата загинал еден морнар.
Техеран го опиша нападот како чин на агресија и објави дека ќе ги брани своите национални интереси и безбедност. Го обвини Киев дека се обидува да ја прошири својата војна со Русија.
Шефот на дипломатијата Абас Арагчи протестирал до Обединетите нации и ЕУ и ја повика меѓународната заедница да го осуди украинскиот напад. Тој истакна дека Иран никогаш досега не интервенирал во војната помеѓу Русија и Украина.
Украинскиот претседател Володимир Зеленски претходно соопшти дека Киев постигнал „многу добри резултати“ со напади со голем дострел во Касписко Море, при што биле погодени бродови за транспорт на воен товар во кој е вклучен Иран, како и еден воен брод. Меѓу целите не го спомна иранскиот трговски брод.
Зеленски додаде дека Русија му пренесува на Иран извидувачки сателитски снимки од Блискиот Исток за да му помогне во војната против САД.

извор