Добивме дојава пред некој ден дека Глоријан се има ставено на Јутјуб. Веднаш го зафативме местото број 2 на сабскрајбери и од што не ни се веруваше, решивме малку од страна да го следиме, дур да сфатиме дали е стварно тој, дали некој го трола или пак му го има најдено ЦД-то со 500 песни. Ама, бидејќи тоа тешко ќе го утврдиме ако не ни дојде на уште една надреална средба како некогаш во Оннет, еве официјално наше добредојде за големиот уметник и маг.

Овде уште постојат кругови спремни да се објаснуваат како Тито нè заебал што не сме тргнале на Солун туку на Сремски фронт (ха! тоа го зборуваат генерации кои дозволија да им го сменат името на државата и да им ги избришат одлуките на АСНОМ од уставот). Нека ги. Наше е, за сите македонски партизани кои заминаа да се тепаат со Германци и усташи, да кажеме - СЛАВА ИМ.

Просто а убедливо објаснување како функционира српската економија, при што не сме убедени дека тоа важи само за Србија. Меѓу другото има и едно логично објаснување зошто постојано расте цената на станбениот простор. Парадоксално е што ако запре шемата на една таква економијата која се темели на кредити, субвенции и корупција, дури тогаш рикнува сè.