У-жи-ва-ње! Драгоцени 60 (два пати по 30) минути со куп реклами од минатите децении. Драгоцен адвертајзинг, но и емотивен времеплов во кој ќе се потсетите (зависи колку години имате) на едно чудо реклами и познати ликови во нивните помлади денови. Во овој поглед денес сме на бандаж: Пелистерка некогаш ја рекламираа ракометарките и Северина, денес ја рекламираат Боки и Ритко.   

Монголија има мала, тричлена репрезентација на Зимските олимписки игри 2026. Македонија исто така во Италија испрати мала, четиричлена спортска делегација (плус редовните функционерски гагаџии). Ни од едните ни од другите се очекуваат некои јаки резултати или медали. Па сепак, Монголија по нешто ќе ја паметат а Македонија не баш. Шо така? 

Да ви претставиме еден наш рапер кој на Инстаграм се претставува со оригинално и креативно раперско име - Никола Златановски. Дечкото знае на стандардниот хип-хоп аутфит (златен ланец) да му даде локален шмек па е седнат на маса со скара и ракија. Ќе ви пуштиме само едно негово парче, само да ве заголицаме. Вака, од прва: ова е толку глупо да нема никаква причина да не успее. 

Горан Субашиќ е шибенски музичар, светски патник и редовен учесник во хрватски квизови. На неговото последно учество во квизот Потера се покажа и како јак трол претставувајќи се како цвеќар кој има 65 години! Луѓе побрзаа да ја дознаат тајната на неговиот младешки изглед за кој рече дека користи „некои креми кои не се баш легални“. А нема тајна. Горан Субашиќ има 45 години.