Саша Лошиќ од Плави оркестар („Путеру, путеру“ и други мега хитови) раскажува за својата прва средба со легендарниот словенечки креативец, музичар, перформер, уметник и политичар Марко Брецељ од Булдожер. Лошиќ му пристапил и љубезно му кажал дека тој многу влијаел на неговата кариера, дека нивната прва плоча му го одредила животот.... Нескротливиот Брецељ одговорил кусо и прејасно.

Занимливо е како ги започнале своите музички кариери еден Леонард Коен, Деби Хари, или, да речеме, Сузан Бојл. Меѓутоа, ниедна таква приказна не ѝ е до колена на онаа за босанскиот народњак Шериф Коњевиќ. Да чуете како одел како получовек - полуживотно кога се спуштил во Сараево, како ги развил своите гласни жици и што му се случило на човек кому Шериф еднаш му платил кафе. Нараторот, генијален мајтапџија!

Аууу, колку труд е овде вложен...

Запрашајте се кој има интерес да ги заштити растенијата од штетници не со коноп, туку со хемикалии. Запрашајте се кој има интерес да не го прочисти воздухот со коноп. Запрашајте се кој има интерес да сече хектари шума. Запрашајте се кој има интерес коноп да не се користи во индустријата и технологијата, дури и во медицината?

Цена на кафе (1,2 евра) во прекрасното италијанско место Гарњано, на западниот брег на Лаго ди Гарда.

Вредна професорка држи вредни лекции и кога е распуст. Вели дека проблемот настанал кога тие биле сведени на просветни работници, по што сè повеќе се заборава дека тие треба да бидат просветители. Оние кои ќе негуваат и бодрат критичко мислење, оние кои ќе бидат добри не затоа што ставаат петки туку затоа што знаат убаво да објаснат зошто ставиле двојка.