Чујте ја ви оваа постмодернистичка делиција. Српскиот евровизиски адут, Ин корпоре сано, за сваќи, сватови и торта сечење! Права уметност знае да предизвика вакви омажи. Ако не сте расположени, само кажете си дека не постои работа која овде нема да ја просељат.

Мики Ѓуричиќ е ветеран во српските реални шоуа, од првиот нивен Биг брадер па до останатите Фарми, Задруги и слични пребивалишта на битанги, дрољи и сличен полусвет. Мики прозборува не само за учесниците во таквите шоуа туку за единственото нешто што е побетер од нив, оние што ги гледаат. 

Пак им излезе од фрижидер, што е своевидно маркетинг аикидо, техника на користење на силата на противникот за своја победа. Им ја одзема финтата со која најчесто го ругаа (дека е офтика и дека нема усул за појавување во медиуми) и сега со што да го пукаат? Но, не е само тоа. Тек песна една за него да чуете. 

Постојат 9 страници несакани дејства од вакцината на Фајзер и илјадници страници документи за тоа што компанијата знаела ама нејќела да се знае за нивниот производ од кој годинава очекуваат преку 50 милијарди долари. Ништо од тоа не е битно за овој чичко кој измамата ја сведе на турање обичен антифриз. Логика да се смрзне човек, ама па, како да се смрзне ако е вакциниран со антифриз?

Политичар кој малку од малку држи до својот образ, на гласачите би им порачал дека дури и да победи, треба да знаат дека тој нема волшебно стапче за веднаш да ги реши работите. Кој бе нема? Бошко Обрадовиќ, Двери, Србија.