Го отворија 70 г. затвореното македонско прашање. Ги повампирија старите балкански шовинизми. Ги разбрануваа духовите од минатото. Ги воскреснаа демоните на раздорот меѓу луѓето. Го соголеа до кожа работниот човек. Ја прождраа државата. Му го откинаа суверенитетот на граѓанинот.

Еве го протоколот што го кријат. Целиот е насочен кон обврски што ги презема само Македонија. Ако се потпише, луѓе ќе бидат гонети во Македонија по списоци изготвени во Бугарија. Ќе се променат таблите на Охридската тврдина за Цар Самуил, и има рокови до кога мора да се променат македонските учебници.

Бањалучкиот градоначалник почна јако, со најави дека ќе ја раскринка мафијата во некогашниот бастион на Додик. Еве го сега истиот тој, со ПР видевце дека ставиле клупа на гробишта. Не дека не треба да се стави клупа, ами дека е глупо со тоа да се фали градоначалник. п.с. ако видеото ви е смешно, смејте се потивко, да не ја разбудите Данела.

Не е финта само да земеш дрога. Финта е да земеш дрога уште рано посабајле и ако си во некоја убава балканска земја како Србија, да отидеш во утринска програма на телевизија и да ја споделиш техниката. Што би рекле самите Срби, благо оном ко рано полуди, њему живот у весељу проѓе.

Читам по нетов дека голем дел од социјалдемократите не се согласувале со француско-бугарската рамка. И тие сакале да протестираат, ама не сакале со Левица, ВМРО и небањатиот народ. Не им се допаѓала и иконографијата.

Точно е дека не постојат погрешни прекари, но за некои луѓе има и попрецизни решенија. Еве, градоначалникот на Јагодина, Драган Марковиќ, го викаат Палма, а слободно можеле да го наречат Стока.

Да сме искрени, некои од нас волонтираат.

Може има водоводџии па се мафта со нив (во Њујорк да не ти влезе водоводџија дома) ама кај и да е, човекот треба да се очекува да застане во првите редови на актуелните протести против мизерното коленичење пред Бугарија. Слушнете ги овие негови златни, вонвременски зборови.