Фала, ФИТР.

При крајот на војната во Босна, Лајбах одржаа два концерта во Сараево, во објектот на Националниот театар, една од ретките згради во градот која не беше унаказена. Го прогласија Сараево за територија на Neue Slowenische Kunst, делеа пасоши и патем на домаќините им кажаа неколку збора за Европа.

Наидовме на бугарскиот историчар Димитар Атанасов и неговото неодамнешно гостување на бугарски Еуроњуз. Стамен, храбар и пред сè неотруен човек, решен на тамошната јавност да ѝ каже неколку непријатни работи. „Многу ми се сака мојата страна во оваа ситуација да е невина, но, не е“, вели Атанасов. Шуќур!

Уште еднаш се потврдува старото правило дека најдобро се учи преку песна и игра. Во соседна Србија тоа значи - преку народњак. Добро што нема ваква песна за падежите во македонскиот јазик, ќе испаднеше песната (речиси) инструментална.