Добро утро. Јануарско утро. Ладно-грч. Чисто-ич. ул. Рузвелтова (наспроти бившо СЈО). Чадот е од ќумбето на кое се греат во полураспаднатата барака на "Паркови и зеленило". Има ли пилот во општина Карпош? Дишете длабоко.
Соња П.

Кичот и шундот не се теми со кои баш сега и баш нам ни се паднаа. Еве дебата на таа тема од пред повеќе од половина век (1968-ма). Денес би се кукало како со шундот ни ја трујат публиката, ама тогаш се имало муда па и публиката не била поштедена. „Некој може да го чита Достоевски а да го занима само дали кнезот Мишкин ќе се ожени“, закуцува режисерот Душан Макавеев.

Од каде си? Од Македонија, вика наша девојка во публика на стендап точка во Франфурт. Ама, дури и дечкото на сцената знае дека ние си го продадовме името, брендот, трејд маркот и дека со Македонија сега располага само Грција. А добар муабет следи после. Нашава од следниот дечко само бара да не биде психопат, пошто веќе одела со еден таков. Погодете од кај бил?