Едно слатко дете од мешовит, македонско - нигериски брак, татко му го учи зборови на наш јазик. На ред доаѓа зборот книга, збор со кој малиот има проблем да ја изговори првата буква, па испаѓа тоа што најмалку треба. Супер симпатична сцена. Македонскиов јазик некогаш е да се намачиш ко црнец.  

Трендо, да се потсетиме дека ова што денес е напишано на off.net.mk (Со науката се претера | Off)) за тоа дека науката отиде у триста PM10, јас и ти пред 2-3 години го најавивме, пред две години со еден труд каде е дадена детална анализа и покажано е дека 20 милијарди долари годишно се фрлаат за open access „трудови“, најголем дел од нив се тешко ѓубре од Вардариште виа Дрисла „трудови“.

Не можеме ни да наброиме што сè може да биде лајтмотив за создаавање песна. Љубов, среќа, склет, татковина, филозофски дилеми... Ама - „Кај сте сега „тастатурски јунаци" шо се исмевавте на моите најави... Ова е за вас!“ - немаме сретнато. Вака почнува песната на ад-хок бендот „Метео екипа“ како пресметка со сите што не верувале во нивните метео-прогнози. 

Ја слушам Кацарска како зборува за некои предмети меѓу кои и предметот 27 април и повторно се обидува да создаде впечаток дека сè било „законито“ и „потврдено од повисоките судови“, а слушнавме јавно сите како судија поротник кажува дека под страв потпишале записник за пресудата. Ајде фактите.

Да ви претставиме еден наш рапер кој на Инстаграм се претставува со оригинално и креативно раперско име - Никола Златановски. Дечкото знае на стандардниот хип-хоп аутфит (златен ланец) да му даде локален шмек па е седнат на маса со скара и ракија. Ќе ви пуштиме само едно негово парче, само да ве заголицаме. Вака, од прва: ова е толку глупо да нема никаква причина да не успее. 

Good Food Australia пишува дека бурекот на браќата Радевски е една од најпотценетите храни во Сиднеј. Никола и Јован Радевски завршиле други работи (авио инженерство и трговија) но победила семејната мајсторија која ја научиле од татко им а ја започнал нивниот прадедо по чии рецепти уште работат. Имаат осум типа бурек, состојки набавуваат и од Македонија а од скоро почнале и јогурт да прават. 

По онаа урнебесна реклама со синхронизација како во турска серија, Халк банка продолжува со ист шарм. Врвно иронизирање на рекламната матрица за која пишувавме деновиве („лоши дијалози и уште полошо глумење“), маестрално изведено од Сашко и Гораст. Оние брендови кои вака се рекламираат мртви- озбилни, како не сфаќаат дека е тоа глупо до ежење? Или па стварно им звучи јако тоа нивно „а да ја повториме поентата уште неколку пати“? Браво за Халк банка, концептот и актерите.

ВХС снимка за реклама за радовишката пицерија „Мериџејн“ (прејако име и транскрипција), за да видите дека за пола век (прецизно: 49 години), не само што немаме мрднато на ова поле, туку и денешните Инстаграм реклами (оние најглупите, со лоши дијалози и уште полошо глумење), се уште посиромашки во сценаристичка и продукциска смисла. А матрицата иста.

Паралелно со неговите разуздани воени авантури по светот, Доналд Трамп не ги заборава ни домашните теми. Објавил список за тоа колкав процент од мигрантските домаќинства од различни земји се на товар на државата и добиваат помош. На врвот се Бутан, Јемен и Сомалија со по 70%- 80%. Наши на американски јасли ги има 33%. Кои наши? Оние од МАКЕДОНИЈА! Лапај си го Гренланд, царе, ич да не ти  чуе (^‿^)

Според македонскиот речник, полтронството е однесување при кое некој е понизен, сервилен и послушен кон посилните, а груб, навредлив и агресивен кон послабите или кон оние што немаат моќ да возвратат. Да погледнеме како изгледа тоа во македонската пракса на владеење.

Скина неповторлив скопски лик. Зоки Панкерот (инаку Тодоровски), градски да поградски не може да биде, од она Скопје кое ретки (не)среќници го гледаат; во три, четири, пет сабајле. На шанк, со црнчиња. Флок па Балет, место во чија темнина и бучава се забораваше на времето. Гласно, алкохолно, лепливо, се клатат и луѓе и лустерчиња над шанк. Место во кое човек и да дочекаше фајронт, не се сеќаваше на него.

„Вечерва сите сме Банда Ентопика, вечерва сите сме Македонци“ е реакција на еден Грк од Атина на безумниот потег на градоначалникот на Лерин (денес Флорина) да забрани група да пее македонски (љубовни) песни на македонски јазик. Ела ќерко да ти кажам и Софка. Лудаците кои го бранат градоначалникот Јанакис Василеос ја мешаат Ела ќерко со Елено ќерко за која пак тврдат дека после Илинден 1903-та била користена против грчкото население. Кои лудаци.  

Горан е дечко кој доста вешто се занимава со ВИ обработки на македонски народни песни, во современ bossa nova и smooth jazz стил. „Се обидувам да ја задржам автентичната мелодија и емоција на народната музика прилагодувајќи ја на традиционалната бразилска bossa nova музика која во суштина е тивка емоционална музика која има произлезено од џез музиката“, ни пишува тој.

Експерт по античка („грчка“) историја одговара на прашања од Твитер. „Ако Александар бил толку Велики, како тогаш загинал на само 32 години?“ Професор Пол Кристесен објаснува дека Александар влегува во жестоки битки многу млад, на само 16 години. До 32 години кога умира, веќе бил прилично расходуван. Сега доаѓа клучниот ден: „А како и повеќето Македонци, по цел ден пиеше“.

Австрискиот природословец Конрад Лоренц има воведено термин втиснување (Imprinting) за трауматски ситуации кои се врежуваат како слика за светот. Ако уплашени пајчиња, наместо мајка им, видат мачка, ќе помислат дека тоа им е мајка и ќе одат по неа. Така и Македонија. Во неизвесните времиња кога се осамостојувавме, ја видовме ЕУ, тргнавме по неа и уште не гледаме дека светот се има сменето. Игор Радев, одличен.

Си земав за обврска од името на Драмската секција од 1973/4, во склоп на Гимназијата Браќа Миладиновци, Драчево, да ве контактирам. Тој, како Осман бег, Радмила како Цвета, Коко, како Спасе овчарот и останатите гимназијалци од втори, трети и четврти клас. Бевме први на тие смотри, па настапивме во Струмица, на Републичките Драмски Смотри, каде после бурна ноќ и гласање бевме неправедно втори, и не отидовме во Палермо.

Странска репортажа од село Десово, прилепско. Авторот (Американец) е одушевен што луѓето во селото ги зборуваат сите јазици на своите соселани (Македонци, Бошњаци, Албанци, Роми...). Ние сме одушевени од нивната способност за сублимирање на суштината: Во Македонија е добар живот, вели човек од Десово, сите лежат и никој ништо не работи. И што знаат дека Скопје е повалкано од Прилеп.

Скромен Англичанец кој има посетено преку 50 земји во светот доаѓа и кај нас. Ништо од она што ние би го рекле за нас (ѓубре, гужва, некултура...). Напротив. Скопје го прогласува за едно од најубавите места кои ги видел, се чуди колку е безбедно ноќе да шеташ и по темни сокаци, јаде грав во Космос... Дечко, пак да ни дојдеш, да нè потсетиш дека овој град некогаш треба и да се сака.   

Ама баш ништо не знаеме за тоа кој стои зад овој музички каламбур, ама па и не мора. Се работи за преработки на македонски песни направени со помош на вештачка интелигенција и придружни модерни алатки. Ама испаѓаат одлични комбинации: „Бонус трака“ во јака женска верзија, Архангел  и „Убер Македонише“ во мека варијанта, “Чија си“ како хеви метал химна... Чудесии.