Здраво книгољупци,
Нашите полици за книги конечно се достапни за буричкање.
За почеток, во неа се нашите стари френдови, Дарко Митревски, Румена Бужаровска, Ѕоф, Јовица Ивановски Џованоти и издавачот Слово кои ги повлекоа своите дела од претходната дестинација и дојдоа на повторна дружба со нас.
За стартот обезбедивме и три нови наслови:
* Маалски приказни на Синиша Станковиќ
Замислете летно попладне во Влае, кога куќите се со ширум отворени прозорци, вешот слободно се ниша на слабото ветре, а комшијата по кој знае кој пат во неделата ја пере колата, облечен во рамбовка и пластични влечки, од оние кафеавите. Вие со ѕидарското пивце само си седите, и фаќате сеир...
* По свое на Бранислав Саркањац
Како да се зборува за Македонија, да се покаже револтот спрема референцата FYROM и да се зборува „по свое", а пак да се биде издржан и аргументиран а не само навивачки настроен.
* Друга страна на Илија Упалевски
Значајно не само како документ за македонската театарска меморија, туку и како специфичен модел за естетска (а зошто да не и етичка) анализа на театарскиот израз во Македонија.
Книготеката е ОВДЕ
