За 1.000 кубни метри руски гас Македонија на Газпром му плаќа 564 долари. Најблиску до нас, на разлика од речиси 40 долари е Полска со цена од 526 долари за 1.000 кубни метри гас од Русија. Ако ни е некаква утеха, Полјаците трошат неспоредливо многу повеќе гас, и се на 7-ма позиција како најголем купувач на руски гас.
По пресметките на Радио Слободна Европа, само 30% од гасот кој се користи во Македонија е од Русија. Најмногу навлечени на руски гас се Ерменија, Белорусија, Бугарија, Естонија, Финска, Латвија и Литванија, каде 100% од пазарот на природен гас го контролира Газпром.
За истата количина за која ние плаќаме 564 долари, Белорусите плаќаат 166, а Ерменците 189 долари. Трета најниска сума за гас плаќаат Британците - 313 долари.
