Цела турска јавноста е на нозе и бара одговорност за силеџијата Фарук Коча, кој како претседател на турски прволигаш, се дрзна да му удри бокс на судијата. Приведен е заедно со уште двајца.

Само неколку дена откако го реши седумкратниот европски првак со велемајсторија во 96-та минута, искусниот колумбиски напаѓач покажа дека страшниот финиш не бил случаен.

Ал Наср се пласираше во полуфинале на Купот на Саудиска Арабија откако убедливо со 5-2 го совлада Ал Шабаб. Еден од стрелците на головите беше и Кристијано Роналдо кој го даде четвртиот погодок за гостинската екипа. Ова беше 50-ти гол во календарската 2023-та за 38-годишниот Португалец кој е најдобар стрелец на светот според овој параметар.

Може ли за момент да ја замислите таа радост кога како играч на буквално маалски или мал селски клуб од шеста лига дознавате дека за неколку дена ќе играте против најсилниот клуб во земјата составен од ѕвезди како Килијан Мбапе? Тоа го доживеаа играчите на француски УС Ревел кој игра во тамошната шеста лига. Им падна ПСЖ во рана фаза од Купот и ќе играат против нив на 5-ти, 6-ти или 7-ми јануари.

Навивачите на Каљари сезонава дефинитивно со апчиња треба да одат на стадион. Во фудбалот има често пресврти, ама не вакви.

Еден од симболите на бразилскиот фудбал, кој стана светски првак 1994 и беше прогласен за најдобар играч на Мундијалот, одамна е во политика. Без разлика што секој ден е во костум, тој не само што уште го има осетот со топка, туку дроби. Пазете му ги потезиве.

Порт Вејл или со кладилничарски речник Порта Влае, го победи Ексетер Сити на гости со 0:1 во третата англиска лига. Голманот на гостите, Конор Рипли, ни два ни три, после мечот се упати на шанк по пиво и тоа во дрес и со влечки. Така се живее.

Ненормални сцени ни доаѓаат од турскиот фудбал и тоа во прва лига. Ќе речеш понеделник, тивок спортски ден, а исходот е суспензија за фудбалот.

Како што ги гледало своите омилени јунаци од Тотенхем како се загреваат, така и он самиот се спрема пред да истрча на прекрасниот стадион каде Спарс го совладаа Њукасл со убедливи 4-1.

Дечкото има само 22 години а игра како Паоло Малдини во најдобри денови. Роден е во Мадрид во 2001-ва година. Играл за Реал Мадрид Б тимот но има и 9 настапи за првиот тим на „кралевите“. Од таму во август 2022-ра се сели во Жирона и набрзо станува незаменлив дел. За Шпанија има играно само за младинската У21 селекција а после чудесниот настап против Барселона сигурно ќе добие повик од шпанскиот селектор. Мигел Гитерез дами и господа:

Жирона е најголем хит во фудбалска Европа откако после 16 одиграни кола во шпанска Ла Лига е прва на табела пред Реал Мадрид, Атлетико и Барселона. Тимот предводен од сјајниот Мичел игра на гол повеќе од старт на сезона, а така беше и синоќа кога со 2-4 ја демолираа Барса на нејзин терен. После прославата со своите малубројни навивачи, журката продолжила во соблекувална.

После 16 одиграни кола во италијанската втора лига Серија Б, интересно изгледа табелата. Парма е прва со 34 бода и со сериозна намера да се враќа догодина во А. Втора е Венеција со 33 бода а трет е Комо кој од клупата го води верувале или не Сеск Фабрегас. Но да се вратиме на насловот.

Ја краде на средина на терен, крева глава и го матира голманот во стилот на Дејвид Бекам. Инаку мајсторот се вика Серхио Ортуро од Елденсе за конечни 1:1 на гости против Леганес.

Тотенхем до врв ја наполни мрежата на Њукасл, победи со 4-1 и го забележа првиот триумф после подолго време. Удоги, Ришарлисон на два пати и Кореецот Сон од пенал беа стрелци на головите за Спарс а Жоелинтон во 90+1’ минута даде почесен гол за гостите. Во еден момент од мечот домашниот голман Италијанецот Викарио му се кривеше на гостинскиот шпиц Калум Вилсон па влегоа во дискусија.

Барса синоќа можеше многу лесно да се спаси од пораз против сензацијата на сезоната по име Жирона. Гундоган во 92-ра минута погоди за 2:3, а само една минута подоцна Левандовски одиграно необјасниво лошо со глава по што гостите казнија за конечни 2:4.

Викендов ширум Европа имаше неколку изненадувања и таканаречена „сеча“ на фаворитите а прашање е колку е изненадување сјајниот триумф на лидерот во Ла Лига Жирона против Барселона на гостински терен.

И покрај водството, Реал не успеа да го доби Бетис на гости и со овие 1:1 падна втор, зад лидерот Жирона, која направи нова сензација, овој пат против Барса на гости од 2:4. На само 20 години Џуд Белингем има 16 гола на првите 18 настапи за Реал, а умее и доста добро да врати на провокација.

И покрај раното водство уште во 5 минута, Рома одигра 1:1 против Фиорентина на меч со три црвени картони. Кај домаќини беа исклучени Залевски 64-та и Лукаку 97-ма минута, а кај гостите Миленковиќ во 98-ма. Жозе смисли нов начин за како да пренесе порака до играчите во однос на тактиката. Напиша ливче кое му го испрати на голманот преку едно од децата што собира топки.

Нов гол на Бојан Миовски, број 6 во првенство и вкупно 12 сезонава на сите натпреварувања. Овој пат за иразмнување против Хартс на 1:1 во 53-та минута, по што Кларксон погоди во 92-ра минута за комплетен пресврт и победа од 2:1 за Абердин.

Во дербито на вечерта во Серија А, Аталанта и Милан режираа одличен фудбал со дури пет гола. На крајот славеше домаќинот 3-2 и тоа со прекрасна мајсторија со многу чувство од Колумбиецот Луис Муриел. Штикла што би рекле Италијанците.

Јужноамериканската фудбалска конфедерација КОНМЕБОЛ организираше фудбалски турнир на кои учествуваа многу поранешни и сегашни фудбалски ѕвезди и раководни лица па на терен се најдоа Гонзало Игуаин, Диего Годин, Јусеин Болт, Џани Инфантино и други. Главна ѕвезда на теренот бил Роналдињо кој правел шоу.

Вучиниќ важеше за опасен шпиц кој направи одлична кариера во Италија каде тресеше мрежи 14 години. Од Лече, прогресираше во Рома и во Јуве со кои освои неколку трофеи. Црногорецот сам откри за себе каков работник бил на тренинг.

Занимливо интервју со вториот најтрофеен тренер во светот кој ги носел играчите во рудник 500 метри под земја, во фабрика за метал, фабрика за пршута, музеи...Човек кој се поставува како учител и кој обрнува големо внимание во едукативниот дел кај играчите, за кои смета дека не може да гледаат само стадиони и хотели.

Како и секој страствен вљубеник во видео играта Фудбал Менаџер (на времето Чемпионшип Менаџер), така и актуелниот тренер на Тотенхем Хотспур, австралискиот Грк Ангелос Енџ Постекоглу вели дека уживал додека ја играл игрицата и многу научил од неа.