Интер обезбеди убава предност од 2:0 пред реваншот на миланското дерби во ЛШ, а веќе во 15 минута за влакно не му нанесе и трет шок на тимот на Пиоли кој вечерва одигра очаен меч. Чалханоглу ја искрши стативата и ги скочани навивачите на Милан.

Фудбалерите на Интер со фуриозен старт го добија првото градско дерби 0:2 и тоа со рани голови на Џеко и Михтаријан во 7 и 11 минута. Милан беше ослабен без повредениот Леао и немоќен во речиси цел натпревар. Упати само еден удар во рамки на гол.

Интер бележи моќен старт во воведното полувреме на првата полуфинална пресметка од ЛШ против Милан. Ветераните Џеко и Михтаријан по само 11 минути го торпедираа голот на градскиот ривал. Плус статива на Чалханоглу и пенал за Интер кој беше поништен со ВАР. Тимот на Инѕаги е целосно надмоќен.

Ниту најголемите оптимисти и навивачи на миланските клубови не можеа ниту на сон да претпостават дека Милан и Интер ќе стигнат толку далеку сезонава во Лига на шампиони, после долгогодишно отсуство од истата каде едвај се вратија. На клупите на три клуба полуфиналисти седат тренери родени во градови од ист регион.

15 години верност, над 700 настапи, 31 трофеј кои овој месец ќе станат 32, две тројни круни. Серхио Бускетс заминува од Барселона како легенда која вечно ќе се памети како дел од незаборавното трио со Чави и Иниеста, креатори на еден од најдоминантните тимови во историјата на фудбалот. Им се заблагодарува буквално на сите.

Едниот освои Лига на шампиони со Милан, другиот настапуваше за Интер, но и двајцата му даваат предност на истиот тим, исто како и на главниот фаворит за трофејот.

Не се виде баш вчера и не даде гол, ама после овој клип сфаќате уствари каква цврста карпа од човек е. Нека биде овој дуел и лекција за сите глумци кои често пати лежат и се пењават за да задржуваат време или да изнудат фаул. Ваков фудбал сакаме. Јуначки.

Голгетерот број 1 на сезоната со 51 погодок на 47 меча, не се изнаигра баш на гости кај европските прваци. Му се залепи германско австрискиот тандем во одбрана Рудигер-Алаба и често пати делуваше како отсечен. Погледнете ги овие методи со кој Рудигер го реметеше од зад грб.

Алфи Халанд го следеше полуфиналето Сити - Реал во ложата на Бернабеу, каде го гледаше син му кој покриен одлично од Рудигер и Алаба, не успеа да постигне гол. Се појавија повеќе видеа на кои се гледа како се јаде со домашните навивачи по што интервенираше и полицијата. Шпанските медиуми пишуваат дека прв почнал да провоцира и дека ги гаѓал со кикирики.

Мега пресметката меѓу Реал Мадрид и Манчестер Сити заврши 1:1 со два прекрасни голови на Винисиус и Де Брујн. Предмет на расправа број 1 во медиумите е спорниот гол на Белгиецот.

Каков Ал Наср, каков Роналдо. Погледнете го вие нашиот Алекс Трајковски кој навелемајсторски начин го претвори голманот во гледач. Македонскиот репрезентативец учествуваше со еврогол и асистенција за Ал Фајха кој го совлада Ал Фатех со 3:0. За него ова е трет сезонски погодок.

Во првиот натпревар од полуфиналето на Лига на шампиони, Реал Мадрид и Манчестер Сити одиграа нерешено 1:1, така што патникот во големото финале ќе се одлучува на возвратниот дуел, во Англија.

Од едната страна се наоѓа домот на станарот Чиро, од другата најкултното место во Неапол од каде дневно поминуваат по 30.000 до 40.000 туристи. Човекот едноставно не може да си дозволи да излуфтира, бидејќи веднаш му се дерат под прозор.

Дваесет и две годишниот Франк Евина игра за германскиот второлигаш СВ Сандхаузен, а на времето почнал во школата на Баерн Минхен за кого има и два настапи за прв тим. Од годинава е во Сандхаузен, а на мечот со Брауншвајг покажа како се гради топка.

Младиот 17-годишен Аксел Атум на мечот Естудиантес - Велез Сарсфилд влегол од клупа за резерви и го забележал дебитантскиот настап во сениорски фудбал. Неговиот Естудиантес победи 2-0 со головите на Гастон Бенедети Тафарел. Аксел влегол во игра во 81’ минута од средбата, а следниот ден во школо го пречекале како јунак.

Триесет и девет годишниот легендарен бразилски бек Даниел Дани Алвеш кој пред само неколку месеци играше на Светско првенство за својата репрезентација, веќе извесно време минува низ тешкотии во затворот каде чека судење за наводно силување кое го сторил во познат ноќен клуб во Барселона.

Ал Итихад е бељаџијата кој е прв на табела и кој изгледа ќе му ја скрати радоста на Роналдо да се радува на титула. Победија 4:0 и имаат предност од 5 бода на четири кола до крај. Ако ве прашаат што значи шах мат во фудбалот, ова е тоа.

Кај и да е, сигурно некој ќе стокми компилација од големата фудбалска ѕвезда, која во Битола би ја крстиле „Најдоброто од Кристијано нервознио“. Нов кикс на Ал Наср, нови нервози за Роналдо кој оттурна член на стручниот штаб на гостите кој му пријде за селфи и нов дриблинг од соништата. На четири кола до крај клизнаа на -5 од лидерот Ал Итихад.

Ѕвездата на Арсенал, Гранит Џака не би требало да е горд на брат му за потегот кој го направи викендов. Зидан во финале на Светскo ја заеба работата и од тогаш пар ликови фатија да го имитираат, тоест на погрешен начин ја користат главата.

Милан со 2-0 го совлада Лацио и е на 2 бода од 4-то место кое води во Лига на шампиони следната сезона а за кое се борат дури пет-шест клуба до крајот. Милан во само неколку минути ги реши Лацијалите, со головите на Бенасер во 17’ минута и евроголот на Тео Ернандез во 29-та.

Вест Хем Јунајтед оствари неверојатно важен триумф над големиот Манчестер Јунајтед од 1-0 со голот на Саид Бенрама во 27’ минута и сега полесно дише. Во борбата за опстанок најдолу на табелата, Вест Хем избега 7 бода од опасната зона и до крајот на сезоната им треба уште некој бод за и теоретски да се спасат.

Аргентинскиот ас пристигнал во Наполи на 23 години од Барселона, а бил претставен на 5 јули 1984-та пред 75.000 навивачи кои биле убедени дека доаѓа спасителот, во ситуација кога тимот се борел за опстанок и во време кога никој не сакал да игра таму. Останатото е историја. Успеа да ја прекине доминацијата на северот и Наполи да го направи првиот клуб од југот кој станал шампион.

Во белгиската Про лига, во делот кој разигрува за пласман во Лига Концеренции, Гент на гости со 1-2 го совлада Стандард Лиеж и сега има 34 бода. Играч на мечот беше шпицот на гостите Гифт Орбан кој даде еден гол а на самиот старт на вториот дел проба уште еднаш лукаво да го матира домашниот голман.

Аргентинското Супер класико меѓу Ривер Плејт и Бока заврши 1-0 со гол од пенал на Мигел Борха во 90+3’ минута од судиското продолжение. После овој реализиран пенал на теренот настанал огромен хаос меѓу играчите а главниот судија поделил дури 7 црвени картони за играчи кои биле на и надвор од теренот. Ривер после 15. кола е убедливо прв со 37 бода пред Сан Лоренцо кој има 28. Бока е 13-та со 18 освоени бодови.