Најдобриот фудбалер на светот на сите времиња според мислење на многумина, синоќа го однесе својот тим Интер Мајами во полуфинале на доигрувањето за титулата во МЛС лигата откако со 4-0 го разбија Нешвил во мајсторката.

Ако треба да се направи топ листа на решавачки голови во судиско од оваа сезона, овој од германската втора лига засега сигурно оди на прва позиција. Проектилот го лансираше Јаник Дем од Гројтер Фирт за триумф од 1:0 над Происен Мунстер. Не се брани ова.

После долго време Барселона се врати, макар привремено во својот дом, на култниот стадион „Камп Ноу“. Првиот тим тренирал а отворениот тренинг го следеле околу 22.000 симпатизери. Постои веројатност на 22 ноември за дуелот со Атлетик Билбао конечно да заиграат на реновираниот стадион или на 29-ти за мечот со Алавес.

После низа на бљак вести од мак фудбалот изминатиов период со местенки и тепачки, конечно нешто убаво да прочитаме и искуцаме на тастатура. Ама и големо. Деца таленти желни за фудбал, имате шанси да се докажете во Виљареал.

Интересен, убав и атрактивен гол во Конференциска лига синоќа падна во Словенија. Целје ја совлада Легија Варшава со 2:1, со победнички погодок на Жан Карничник. Како ли успеа да ја зафати така странично и прецизно откако топката тапна? Друг би ја опалил кај чавките.

Беше играч за потсмев на Олд Трафорд, каде го искинаа од заебанции на социјални мрежи. Но, во Шпанија е како препороден. Само пет дена по двете голчишта против Мајорка, синоќа повторно во голем стил си поигра со голманот, овој пат против Лион во ЛЕ за победа од 2:0. Прво погледнете му го голот, а потоа и статистиката.

Регистерот на имиња во Бразил покажал дека имињата на славните аргентински фудбалери се прилично застапени. Пример името Рикелме е попопуларно дури и од Нејмар а помалку од Ромарио.

Фудбалерите на Шкендија не успеаа да стигнат до втора победа во групната фаза од Конференциската лига. Примија гол во 10 минута од судиското продолжение за конечни 1:1. Во случај на триумф, на сметка ќе им легнеа 400.000 евра, а вака за ремито ќе мора да се задоволат со 133.000 евра. Славјето им го расипа Шпанецот Серхио Лозано со бомба удар.

Трагичната смрт на сјајниот фудбалер на Ливерпул Диого Жота многу ја потресе фудбалската јавност, а најмногу ја погоди и репрезентацијата на Португалија. Речиси сите соиграчи кои го чувствувале близок како другар и брат дошле на погребот. Не дошол Кристијано Роналдо кој кај Пирс Морган објасни зошто.

Напаѓачите на Сити, Баерн и Реал се гол машини кои газат сезонава. Норвежанецот и Франузинот имаат по 18 гола на сите натпреварувања, а Англичанецот 22. Интересен факт од ЛШ, каде имаат неколку идентични бројки, како на пример број на голови, а Халанд и Кејн дури и ист број на удари.

Легендарниот Мурињо е појава каде и да оди. Така беше и во Скопје каде беше во два наврати (еднаш со Манчестер Јунајтед во Супер Купот, еднаш со Тотенхем во квалификации за Лига Европа). Сега како тренер на Бенфика ги изненадил децата во клупската академија кога дошол и чекал во ред да си земе ужина. Погледнете само какви услови има португалскиот гигант во својата академија.

Ги гледаш и ги набројуваш во себе во еден здив. Колку ли би чинеле овие напаѓачки двојки во денешно време? Милијарди. Беа светска класа напаѓачи во време кога во Серија А во одбрана царуваа играчишта од рангот на Неста, Малдини, Турам, Канаваро, Ѕанети, Стам, Кордоба, Самуел...Плус и голманите беа ѕверки, Буфон, Перуци, Маркеџани, Ван Дер Сар, Толдо, Фреј...Една Болоња на гол го имаше Паљука. Тогаш италијанско беше предизвик број 1 и 20 гола по сезона беше врвот.

Не за џабе е старата „играј додека судија не свирне“. Фудбалерите на Олимпик Марсеј синоќа оправдано бараа пенал за игра со рака на противнички играч во шеснаесетникот. Судијата само одмавна со рака а Аталанта поведе контра после која Лазар Самарџиќ го постигна најубавиот гол на вечерта.

Колку и да пробуваш да се местиш, нема теоретски шанси да изрежираш ваков гол. Ова се случува еднаш на 100 години. Среќниот се вика Филип Шобсбергер, а ова му успеа на денешен ден, пред точно 10 години, на мечот меѓу Рапид Виена и Викторија Плзен.

По големото дерби Пелистер - Вардар (1-2) во 12. коло од македонската прва фудбалска лига, управата на Пелистер со жестоко соопштение какво што досега немало во односите на овие два клуба.

Аталанта го доби гостувањето против Марсеј со убав гол на Лазар Самарџиќ во 91-ва минута. Јуриќ во 75-та минута од игра го извади Лукман, но овој не беше задоволен, па му префрли нешто, по што Хрватот се изнервира. На Твитер некој објавил и бокс верзија од нивниот дуел со помош на вештачка интелигенција.

Најголемото македонско дерби Пелистер - Вардар заврши 1:2 во корист на Скопјани кои ги освоија трите бода и привремено се искачија на прво место на табела. Дербито на реновираниот стадион „Петар Милошевски“ донесе убав амбиент на трибините, кореографии, пиротехника и убави голови. Рожерс Мато постигна прекрасен гол од далечина во 54' минута, Пелистер израмни преку детето на Вардар Петар Петковски само шест минути подоцна. Во 83' минута Вардар доби пенал на кој Битолчани протестираа бурно. Реализираше капитенот Горан Закариќ за победа 1-2.

Манчестер Сити со 4-1 ја совлада Борусија Дортмунд и освои нови три бода во Лига на шампиони. Фил Фоден даде два гола, Халанд еден и еден Рајан Шерки во судиското продолжение во вториот дел. Во еден момент Бразилецот Савио намерно го удри линискиот судија при еден трк со Нико Шлотерберг.

Барселона едвај преживеа во Бриж каде домашната екипа на три пати водеше ама Каталонците се спасија со автогол во 77' минута за конечни 3:3. УЕФА го прогласи голот на Ламин Јамал за најубав на вечерта.

Челси и Барселона не ги оправдаа фаворитските улоги на гостувањата против Карабах и Клуб Бриж во 4. коло од ЛШ, за разлика од Баер, Галатасарај и Аталанта кои прославија големи победи на гости. Прв триумф за дебитантот Пафос.

Елиф Елмас ја доби највисоката оценка на мечот против Ајнтрахт Франкфурт, 8,5. Настапот му го опишаа како брилијантен, со исклучително движење и визија на терен. Има и зошто ако ги погледнете видеата. Убави шанси, дриблинзи, клучни додавања за гол. Штета за резултатот.

Албано Алекси и Гулием Хаиме режирале право ремек-дело од гол на дуелот меѓу Игнатија и Влазнија во албанската прва фудбалска лига.

Ковентри го совлада Шефилд Јунајтед со пресврт, од 0:1 на 3:1. И тоа не беше единствениот ќеиф за домашните навивачи. Платија карта за фудбал, а си добија гратис свирка, уживање со рок бендот „The Enemy“. Прекрасна атмосфера.

Тотенхем Хотспур од 57-ма минута играше со играч помалку на дуелот против Копенхаген во Лига на шампиони но тоа не им сметаше да слават со 4-0. Бренан Џонсон кој го отвори резултатот во 19-та минута, беше исклучен во 57-ма минута. Високиот холандски стопер Мики ван де Вен постигна прекрасен гол во 64-та минута, сигурно гол на колото во Лига на шампиони.