- Македонската кошаркарска репрезентација нема да игра во квалификациите за пласман на СП 2027, откако го претрпе и третиот претквалификациски пораз во исто толку натпревари, овој пат на гостински терен од Романија (66-79).
- Македонија сега има скор 0-3, Романија има 3-0, а Унгарија 1-1, што значи дека само со луда теорија може да дојде до едно од првите две места во групата.
- Унгарија треба да загуби дома од Романија, а ние да ги победиме Унгарците во Кале со најмалку 38 поени разлика.
- Борис Врховац од Бања Лука има ултрабогата колекција од околу 1.300 дресови, а на 56. Меѓународен ракометен ТВ турнир на шампионите во Добој изложил околу 170 експонати.
- Во неговата колекција, собирана повеќе од четири децении, се наоѓаат уникатни предметим како целосна опрема на Новак Ѓоковиќ, потпишани дресови на Марадона и Меси, ракавици на Мајк Тајсон, патики на Никола Јокиќ, како и два дреса од Кире Лазаров и од судиите, Славе Николов и Ѓорѓи Начевски.
- „Разликата помеѓу мене и другите колекционери е што со сите тие спортисти сум се сретнал лично и тие ми дале автограм,“ додава Врховац.
- Полицијата денеска спроведува претреси на повеќе локации во Гевгелија поради сомнеж за местење на фудбалски натпревар од Втората лига помеѓу екипите на Кожув и Башкими.
- Според неофицијални информации, во истрагата се прибрани материјални докази кои укажуваат на инволвираност на повеќе лица – меѓу кои фудбалери, тренер и раководни структури од двата клуба.
- По барање на Министерството за внатрешни работи, Јавното обвинителство издало наредби за претреси, а засега под сомнение се седум лица.
