Акција на турски надлежни служби за расчистување на тротоарите на кои, како и кај нас, како кој стигне става табла, знак, знаме, гајби, столчиња, маси... Го прават тоа прилично ефикасно, без непотребни детали од типот „каде е газдата“, „да видиме дозвола“ (знаат дека немаат дозвола) и слично. Одат по тротоар и фрлаат во камионче сè на што ќе наидат. Тамам.

Со голем ќеиф ве зaпознаваме со фудбалскиот клуб Е-Рома од третата црногорска лига. Препознатливи се по правење салто откако ќе се даде гол. Само што ретко даваат гол; и сезoна знае да помине а тие да не победат никого. Кога не играат за клубот, играчите главно собираат железо. Пазете сега ова: Сите се презиваат Селимовиќ, освен центарфорот кој е Ризвановиќ. А и тој е Селимовиќ само што го земал презимето од мајка му. Шам-пи-они!

Рударењето криптовалути годишно троши вода повеќе отколку што вода трошат 300 милиони луѓе во Субсахарска Африка. Само една трансакција „пие“ 16.000 литри вода. Во еколошка смисла, копањето криптовалути е поскапо и поштетно отколку копањето злато и сребро бидејќи троши повеќе енергија за да се добие иста количина на пазарна вредност.