Официјалниот весник на Корејската работничка партија, Родонг Синмун, порачува дека „главниот фокус“ на народот треба да биде „осигурување на безбедноста“ на портретите на својот лидер, Ким Џонг Ун, неговиот татко и неговиот дедо. Кога ќе се обезбеди ова, народот треба да се даде на заштита на големиот број статуи, мозаици и други споменици посветени на семејството Ким.
За обемот на подвигот што се очекува од Севернокорејците треба да се знае дека во секој дом и канцеларија во земјата има портрет од некој или од сите досегашни лидери, и дека оштетување на истите се казнува со егзекуција, дури и оштетувањето да било по грешка.
„Да не заборавиме дека Северна Кореја е теократија. Овие статуи и портрети не се само симболи, туку свети религиозни симболи - во основа, икони.
Секоја религија од кога се памти очекувала од своите верници да бидат подготвени да умрат - или барем да страдаат - за да ги спасат светите икони,“ објаснува професорот од Кукмин Универзитетот, Андреи Ланков.
Бурата веќе удри на Јужна Кореја каде 16.000 луѓе беа присилени да се евакуираат.
