Тој е дијагностициран со ГБС (Гилијан-Баре синдром), болест во која имунитетниот систем го напаѓа нервниот систем и која во одредени случаи се поврзува со вакцините против ковид-19.
Наводно проблемите на Чубајс почнале изненадно и тој престанал да ги чувствува рацете и нозете.
Чубајс уште во март ја напушти Русија и моментално не е познато каде точно се наоѓа во Европа. Кориере дела Сера пишува дека Чубајс бил на одмор на Сардинија кога се разболел.
67-годишниот Чубајс е највисокиот руски функционер што си поднесе оставка откако Путин нареди инвазија на Украина.
Чубајс целата кариера ја минува низ руската администрација, почнувајќи од позицијата заменик градоначалник на Санкт Петерсбург, каде го запознава Путин, па заменик премиер на Русија и шеф на кабинет на Јелцин, до најразлични советнички позиции од доаѓањето на Путин на власт.
