До денес Олимписките Игри и натаму не се одложени. Треба да започнат на 24 јули ова лето, но ситуацијата со коронавирусот која го стави речиси цел свет во домашен карантин почна да влијае и на Олимпијадата.
Претходно се одложија скоро сите големи спортски настани како Европско првенство 2020 кое и официјално се презакажа за 2021 година (12 јуни - 12 јули 2021).
Поддржани од неколку тела меѓу кои Организацијата за национални спортови, Комисии на атлети и пред се од Владата на Канада, Олимпискиот комитет на оваа земја во неделата вечер соопштил дека „ја донел тешката одлука Канада да не праќа спортисти на Олимписките и Паралимписките Игри во лето 2020.“
„Итно ги повикуваме Меѓународниот Олимписки Комитет (IOC) и Меѓународниот Паралимписки Комитет (IPC) и Светската здравствена органзација (WHO) да ги одложат Игрите за следната година и им нудиме целосна поддршка и помош со управување на сите потешкотии што одложување на Игрите би донело.“
Одлука донесена за заштита и безбедност на атлетите и публиката општо во текот на панедмијата со COVID-19.
Неколку часа подоцна, потпретседателот на Австралискиот Олимписки Комитет и шеф на мисијата на Австралискиот тим за ОИ2019 во Токио рекол дека Игрите не може да се одржат во јули и барал да се одложат за 2021.
Шинзо Абе, премиерот на Јапонија, земјата домаќин на Олимписките Игри, во обраќање до парламентот рекол дека е неизбежно одложување на ОИ затоа што нема да може да се одржат поради пандемијата со коронавирус.
„Ако е тешко Игрите да се одржат во целост, тогаш одлука за одложување би била неизбежна“.
Абе додал и дека се надева дека Меѓународниот Олимписки Комитет треба да донесе што поскоро одлука за одложување затоа што целиот процес би бил голем и би требал да почне што поскоро.
RELEASE: The Canadian Olympic Committee and Canadian Paralympic Committee have made the difficult decision to not send Canadian teams to the Olympic and Paralympic Games in the summer of 2020: https://t.co/HyOBA5wwp4 pic.twitter.com/x9OWABVxMA
— Team Canada PR (@TeamCanadaPR) March 23, 2020
