Торес како 23-годишен даде гол за Атлетико Мадрид во ремито против кралевите на 24. февруари 2007. година на Висенте Калдерон. Гонзало Игуаин тогаш израмни за Реал.
Торес почна дава голови и на комшиското дерби Ливерпул - Евертон. Шпанецот го реши првото градско дерби за него по доаѓањето на Енфилд во сезоната 2007/2008-ма.
Шест месеци подоцна, Ел Нињо му даде два гола на Евертон на Гудисон Парк. И тогаш Ливерпул победи и освои три бода.
Мадридското дете се прослави и во дерби дуелите покрај реката Темза. Со гол на крајот стави точка на градското дерби Челси - Вест Хем 2:0 на 23. април 2011. година. Тоа беше прв гол на Фернандо Торес за Челси по 734 минути.
Најдоброто градско дерби на Торес во кариерата е она од април 2011-та година, кога против КПР постигна хет-трик во триумфот на Челси 6:1. Торес на тој дуел на Стемфорд Бриџ стрелаше прецизно за 3:0, 4:0 и 5:0.
На Торес му се играше фудбал и на Емирати стадионот, па така на 29. септември 2012-та година го доведе Челси во водство против Арсенал. Сините го добија тој натпревар 1:2.
Челси во Премиер лигата има неколку ривали од Лондон, а Торес го реши помалото градско дерби против Кристал Палас на 14. декември 2013. година.
