Фудбалерот на дебитантот во Бундес лигата, минатото коло во еден дуел со Марко Ројс се обиде со лизгачки старт да му ја земе топката, но му направи груб фаул, а потоа се испостави дека Ројс има скинати лигаменти.
Несмасниот потег, Бакалорз го плаќа со огромен медиумски притисок и закани од страна на навивачите на Борусија. Тие играа заедно за „Милионерите“ пред две сезони.
„Лошо се чувствувам, Ројс ми е пријател и не сакав да го повредам. Се работи за многу добар човек, кој веднаш ми го прифати извинувањето.“
По завршувањето на мечот, Марвин беше испратен дома со обезбедување, а од тогаш ниту еднаш нема отидено сам на тренинг. Стравот од навивачите е уште поголем, бидејќи Падерборн е оддалечен само 100 км од Дортмунд. По една недела се обрати преку Фејсбук:
„Гледате сите што ми прават медиумите. Не сакам да коментирам. Нема да го сменат мојот начин на игра, играм во среден ред и за да украдам некоја топка, треба да стигнам прв. Експертите по фудбал и колегите ми даваат поддршка, но медиумите и навивачите не разбираат некои работи“, вели Бакалорз.
На негова страна е и тренерот.
„Не е фер еден фудбалер да се соочува со толкави критики и навреди. Тој направи само два фаули на цел натпревар. Сите сме со него во клубот, а исто така и нашите навивачи. Се чувствувам лошо поради Марвин, бидејќи не може секој да поднесе толкав притисок. Јас сум од Хановер и сум емотивно поврзан со некои претходни трагични настани во минатото“, изјави Андре Брајтенрајтер.
Тој се осврна на голманот на Хановер кој пред пет години страдаше од депресија и откако не го издржа притисокот, се самоуби.
Стартот врз Ројс
