Нашиот прв противник во квалификациите за Светското првенство кое ќе се одржи во Бразил 2014-та година, репрезентацијата на Хрватска беше непријатно изненадена од Швајцарија. Игор Штимац своето деби на клупата на хрватите ќе го памети по пораз на домашен терен од 2:4.
Следно наше гостување е во Шкотска, а таму синоќа Австралија прва поведе, но на крајот домаќините славеа со 3:1.
Пресврт направи и Белгија која губеше со 1:2, но успеа да ја победи Холандија со 4:2.
Србите во Белград тестираа со Ирска која требаше да ги „глуми" Велс и Шкотска, а овој натпревар заврши без голови.
Разочарување за своите гледачи приреди и репрезентацијата на Велс која на домашен терен загуби од Босна и Херцеговина со 0:2.
Во првото коло од квалификациската група А се среќаваат Хрватска-Македонија, Шкотска-Србија и Велс-Белгија.
Македонија - Литванија 1:0 (0:0)
Пандев 54
Хрватска - Швајцарија 2:4 (1:2)
Едуардо 20, 64 - Џака 11, Барнета 37, Гаврановиќ 51, 81/
Белгија - Холандија 4:2 (1:0)
Бентеке 20, Мертенс 75, Лукаку 77, Вертонген 80 - Нарсинг 54, Хунтелар 55
Шкотска - Австралија 3:1 (1:1)
Роудс 28, Дејвидсон 63аг, Меккормак 76 - Брешано 18
Велс - Босна и Херцеговина 0:2 (0:1)
Ибишевиќ 21, Стевановиќ 54
