За протестот во сабота, француската влада нареди распоредување на анти-терористички единици на армијата како обезбедување за јавните згради низ земјата.

До сега во портфолиото од првиот мандат од владеењето на Макрон има: критика од О.Н. за користење на претерана сила против демонстрантите, предлагање серија закони за потиснување на демонстрациите, растурање дисидентски мрежи, промовирање „официјална вистина“ и потиснување на содржините на социјалните медиуми.

Макрон прво ги поткупи Жолтите елеци, што малку го стиши гневот на демонстрантите, но не го згасна целосно насилството, па сега францускиот претседател се одлучи на решенија кои се „построги од правилата што режимот на Путин ги користи за потиснување на политичката опозиција“.

Понесен од граѓанскиот гнев, некогашниот боксерски шампион на Франција сам со голи раце излегува пред неколку специјалци во полна опрема и ги поклопува како кегли. Стана херој на „жолтите елеци“ кои собраа многу пари за неговата казна. Полицијата му одговори на Твитер.

Иако медиуми (Си-ен-ен, Би-би-си, Вајс...) до совршенство се навежбаа секоја можна репортажа од протести да им изгледа како да е снимана директно од битка гради во гради, макар немало ништо ни приближно драматично, во случајот со протестите во Париз и аматерските снимки покажуваат воено поле.