Зошто да имам клуб во Премиер лигата кога можам и во Сараево или што ќе ми еден или два Ред Була кога можам да имам пет. Главната цел на милијардерите не е да го развијат фудбалот, туку да им пораснат милијардите. Сегде би вложиле, само да им се врати дупло. Што, да не не е така?

Навивачите на клубот од Велс за денес организираат марш за враќање на традиционалната сина боја, која сингапурскиот газда им ја смени во црвена заедно со грбот на клубот.

Повторно нашиот офсајд лик на годината се најде во медиумите заради лоши вести. Премиер лигата ќе започне истрага против Винсент Тан заради сомневањето дека на неговите фудбалери им нудел бонуси.

Само неколку дена му беа потребни на Тан за да почне и оваа година да си поигрува со клубовите каде што станува газда.

Во 2013-та имавме офсајд ликови на денот и на неделата, а неколку од нив заслужија да го добијат и годишното признание, но ние се одлучивме за Винсент Тан, еден од најомразените и дефинитивно најлошо облечен човек во фудбалот.

Тренерот на македонскиот второлигаш Миравци си поднесе оставка поради тврдењата дека газдата натепал еден од фудбалерите затоа што не му подавал на син му. Сопственикот пак на Кардиф Сити го избрка главниот скаут и на негово место го стави школскиот другар на неговиот син кој работел како молер во клубот.

Арапските милијарди владеат во големите лиги, Италијани вложуваат во хрватскиот фудбал, руски милиони почнаа да се влеваат во српскиот фудбал, а сега и малезиски капитал ќе прави балкански фудбалски гигант во Сараево. Македонија никако да ја најдат на мапа.