Наместо да постои еден универзален термин, пр. „не е за консумирање по тој и тој датум“, компаниите како да даваат сè од себе за да го збунат купувачот. Па имаш „најсвежо до“, „пакувано на“, „да се продава до“ и слична креативност. Најголемиот ланец супермаркети во САД анализираќи ги производите што ги продаваат, открива дека има 47 различни термини што производителите ги користат за обележување на рокот на траење.

Прво и поважно, тоа што нешто е во рок на траење не значи дека нема шанси да се расипе. Второ, ако храната правилно се чува рокот на траење е крајно лабав. Трето, за верување е само изгледот, бојата и миризбата на храната.

Болниците и аптеките законски се должни да ги фрлаат лековите со минат рок на траење без разлика колку се неопходни или скапи. Во исто време, дури и на најнадлежните власти им сосeма јасно дека најголемиот дел од лековите се безбедни и употребливи со години (и децении) по рокот испишан на нив.

Појаснување околу роковите, кој е за траење, кој е за продавање, кој е за користење и слични изрази што само звучат како да се однесуваат на нешто исто.

Холанѓаните и Швеѓаните работат на собирање коалиција низ ЕУ, која треба да ги поддржи во тргањето на рокот на траење, затоа што заради датумот се фрлаат огромни количества храна.

Многу е веројатно дека ако дома имате апарат за домаќинство што сте го купиле пред 30 или 40 години, тој сè уште работи. Или дека ако пред некоја година сте решиле да го замените со нов, досега сто пати сте се покајале.