Џордан Сајлер не се смета себеси (толку) за уметник, колку за активист. Тој ги заменува билбордите и постерите од кои нè заплиснуваат реклами по автобуски постојки и други јавни површини со свои дела. Причина: рекламите визуелно нè трујат. Нудиме и наш скромен придонес кон неговата акција.

На 80-тина години живот почина жената која преку три децении секојдневно протестираше пред Белата куќа. Каузата за која се залагаше сè уште е жива. Засега.

Неговите перформанси предизвикуваат физичка болка дури и ако само слушаш за нив. По најновата акција - палење на огромната порта на зградата на руската Федерална служба за безбедност во центарот на Москва - Павленски се соочува со тригодишна затворска казна. Но ова е благ симболички чин на отпор во однос на она што го има правено претходно.

Божиќен пост. Морав да се смирам малку по последниот излив на револт против неразумноста за да се склопи приказнава. Всушност, ме смири ситуацијата на теренот, ама за тоа потоа.

50-тина активисти кои се противат на начинот на кој Карлос Слим го заработува своето богатство, навежбани го начекаа неговото излагање во њујоршката јавна библиотека и половина час му се смееа на она што го говори.

Музејот на современа уметност во Казорија, близу Неапол, почна да ги пали делата од својата колекција, во знак на протест заради намалувањето на буџетот на институциите од областа на културата. Директорот на музејот, Антонио Манфреди, лично ја запалил првата слика.