Во нашата љубопитност да пребаруваме интересни и нови подкасти на различни теми наидовме на еден кој нè заинтригира со самиот наслов. Се вика „Не го пиј млекото!“ и е посветен на историјата на секојдневните нешта. Првата, значи најпрвата епизода, е за Вевчани и неговиот пасош, како и на историјата на пасошите воопшто.

Реакцијата на епидемијата на „жолта треска“ на Пиринејскиот полуостров од 19 век е многу слична на она што се случува денес. Што не е баш комплимент за тоа колку напреднале методите за справување со заразните болести. 

На планетава има 219 држави и територии за во кои ти треба пасош. Максимумот што можеш да го извадиш во истражувањево е патување без виза во 218 дражви (едната што останува е твоја). Најдобриот резултат годинава е 174 држави, со македонски пасош без виза те примаат во 106.

Апсолутниот број на такви случаи не е драматичен меѓутоа порастот е. Причина? Во Америка мора да умреш и да платиш данок. А овојпат не се работи за умирање.

Фотографиите за пасош се најдемократскиот начин на портретирање што некогаш е создаден. Сите се пред истиот објектив и за сите важат истите правила: гледај право и без правење фаци.