Не е лесно да се постигне гол во нокаут фаза од ЛШ, особено не против дефанзивна екипа како Атлетико Мадрид која синоќа немаше ниту еден удар во рамки на гол. Интер се трудеше, притискаше, промашуваше и во 79-та минута се случи експлозија на Џузепе Меаца, која одлично се доловува со овој клип снимен зад гол и во близина на играчите. Пуштете ги звучките појако за да го почувствувате од близу делириумот.

Лидерот во Серија А беше доминаннтен на речиси цел меч против Атлетико Мадрид кој во Милано прикажа дефанзивна игра со 0 удари во рамки на гол. Но момците на Инѕаги се изнамачија и се изнапромашија додека да стигнат до погодок, кој падна дури во 79-та минута, дело на џокерот Марко Арнаутовиќ. ПСВ и Борусија Дортмунд одиграа без победник. И двете осминафинални дуели од ЛШ ќе се решаваат на реваншите.

Барселона и Реал Мадрид се елиминирани во Копа дел Реј, а натаму тргна и Атлетико кој за пласман во финале ќе има тешка задача во Баскија. Чудни судиски одлуки паднаа во Мадрид.

Рајо Ваљекано се држеше 90 минути против фаворитот и имаше 1:1. Во 81-ва минута на Депај му беше поништен гол со ВАР поради офсајд, а 9 минути подоцна се надзираше иста судиска одлука. Гризман му асистираше на холандскиот напаѓач кој погоди за 2:1, но претходно во дуел игра го собори противникот за што гостите бараа повторно поништување, а нивниот тренер Франциско Родригез доби црвен.

Прво ја победија Барселона на гости 2:4, за прв пат во историјата, а сега слават над Атлетико Мадрид 4:3, исто така за прв пат во историјата. Жирона сè повеќе наликува на Лестер 2016.

Со триумф од 1:3 над Феенорд, фудбалерите на Атлетико Мадрид заедно со Лацио се осминафиналисти од групата Е. Од синоќешните 23 погодоци на 8 средби, голчиштето број 1 го има Марио Хермосо.

Ептен знаат да изненадат со неочекувани глупости и инциденти навивачите на Феенорд. Во Рим се памети нивното демолирање на историски знаменисти, а синоќа на гостувањето во Мадрид немале попаметна работа, па влегле во ВИП зоната, каде се разбира немаат пристап. На видеото може да се забележат брканици и еден раскрвавен нос. Уапсени се шестмина гостински навивачи.

Атлетико Мадрид и Манчестер Сити се сретнаа на пријателски дуел во Сеул како дел од азиската турнеја. Тимот на Симеоне славеше 2:1. Мемфис Депај и Јаник Фереира Караско го разубавија мечот со погодоци од индентична позиција.

По петардата против Ваљадолид на гости, Атлетико со иста мера удри и дома против Кадиз и го помина на табела градскиот ривал Реал Мадрид. И покрај високиот пораз од 5:1, сепак за издвојување е проектилот на гостите, ремек дело на извесен Чоко Лозано од Хондурас.

Само четири дена откако беа елиминирани во ЛШ и промашија пенал во 99-та минута, фудбалерите на Атлетико загубија во Ла Лига со гол во 99-та од претпоследниот на табела.

За прв пат во 21 век, Шпанија ќе има само еден претставник во нокаут фазата од Лига на шампиони, а тоа е бранителот на титулата Реал Мадрид. Без разлика на горчината која ја имаат навивачите на Атлетико и Барселона кои не се навикнати на волку рана елиминација, тие сепак останаа блиску до играчите и ги повикаа под трибина за да им дадат буст.

Момците на Серџо Консеисао играа во терминот од 18:45 и кога се местеа за полетување после победата од 0:4 проитив Клуб Бриж, тогаш се случуваше драмата во Мадрид која ја следеа на телефони. Кога Караско промаши беа во делириум, бидејќи во тој момент и математички станаа осминафиналисти.

На средбите Атлетико Мадрид - Баер Леверкузен и Тотенхен - Спортинг се играше скоро 100 минути фудбал. Коментаторите на мултипреносот на Арена спорт се мрднаа и не можеа да ги пофатат двете лудачки завршници.

Само неколку дена по судискиот гаф во Серија А кој го обиколи светот и доведе некои федерации да забрзаат со воведување на полуавтоматски офсајд, сериозна грешка падна и во Лига на шампиони.

Единствениот натпревар на кој вечерва во ЛШ мируваа мрежите 90 минути, беше оној меѓу Атлетико Мадрид и Порто. На крајот заврши 2:1 со три комада во долгото судиско продолжение. Јунак Антоан Гризман.

Убавиот пример доаѓа од Шпанија, од екипата на Атлетико Мадрид кој под водство на Симеоне ги освои сите трофеи со исклучок на ЛШ, а истовреме работи многу домаќински и не влегува во була како други клубови.

Со голот на Антоан Гризман во 66 минута, Атлетико Мадрид ја совлада Валенсија на гости. Иако беше поништен поради фаул, домаќините сигурно уште долго ќе го зборат овој лудачки проектил на младиот репрезентативец на САД, Јунус Муса.

Атлетико Мадрид клизна дома од Виљареал 0:2, а на крајот се создаде тензија меѓу Марио Хермозо и навивачите. Веројатно летнале троа повеќе пцовки, што дефанзивецот на Атлетико збесна до толку за да им се качи на трибина.

Атлетико Мадрид со многу емотивен трејлер го најавува документарецот кој се однесува на сезоната 2020/2021, кога дури во последното коло ја обезбедија титулата и покажаа дека Шпанија не е само Реал и Барселона. „Another way of living“ снимен во 6 епизоди ќе има премиера на 8 септември.

Рено Марко по сè изгледа живее за фудбал и ептен го бива за пренесување навивачка атмосфера од лице мести. После Порто каде се измеша со нашите, енергијата на навивачите ни ја носи на тацна од Ванда Петрополитано. Одлично спакувано.

Погледнете ги овие сцени на Ванда Метрополитано. Суарез, Гризман, Кореа, Облак и останатите разочарани и потиштени по елиминацијата, а нивните поддржувачи во елемент, мислиш слават пласман во полуфинале. Ова е награда за нивната борбеност и стимул за да продолжат борбено и понатаму. Прекрасен навивачи гест.

Судиското продолжение во Мадрид синоќа беше најнапнато и најдолго сезонава во ЛШ. Траеше 13 минути во кои видовме опасни стартови, турканици, тензија, картони, ама и две опасни шанси на двете страни.

Фудбалерите на Атлетико и Сити на моменти „војуваа“ на Ванда Метрополитано, а напнатоста беше најголема во финишот. Фелипе по еден лизгачки старт, намерно го удри Фил Фоден за што доби втор жолт, а Савиќ им се намерачи на Грилиш и Стерлинг.

Ливерпул и Манчестер Сити одиграа нерешено на реваншите против Бенфика и Атлетико Мадрид, резултати доволни за полуфинале во ЛШ. Двојките во топ 4 се Реал Мадрид - Манчестер Сити и Ливерпул - Виљареал.