Долги слоеви како Фара Фосет, природна боја и текстура како Каролин де Мегре, паж, шлем и други декади од 20-ти век изразени во коса - 2018-та изгледа како да ќе нè остави на раат од чудесни експериментирања, освен ако не се фатите за суптилното додавање пастелна боја на бринети, на пример. И геометриски шишања.
А и со самиот факт дека е 2018-та и живееме во ера на ослободување од табуа, една социјална група влијае на купот трендови - родово-флуидните лица се дел од луѓето што најхрабро газат по незаверените фризерски авантури. Во превод, за жал, SureThing доаѓа до заклучок дека и џигерици не е ван памет. А таман стана срамота (за тие што мислите дека одамна е срамота, не сте биле во сумњиви селски ресторани кај нас и во Бугарија). Оваа језива појава се обиде да се протне на мала врата некаде 2002-2003-та кога млади мажи шетаа со нешто тапирано горе, и нешто маааалце издолжено позади, ама не успеа. Сега баш да видиме.
Со исклучок на ова, и ако The List се во право, гледаме во една супер година во поглед на трендови за коса:
