Последното домашно видео на тема жена версус паркинг, ја потврди тезата дека Господ на жените им дал да живеат просечно 8 години подолго од мажите само за да им го компензира времето изгубено на паркирање. Да пробаме да помогнеме на темава:

пишува: Слаѓана Велков, првоборец против вакцината и поборник на јадење сирова храна.

Како изгледа од твоја гледна точка, наспроти како навистина изгледа.

Којзнае колку истражувања, фокус групи, советувања, дизајнерски решенија, преправки и враќања на доработка претходеле на овој смел чекор на Гугл.

Словачкиот уметник Мартин Варгич создал мапа на светот од предрасуди и стеротипи. Забавно е да се зумира по мапата која содржи преку 1.800 стереотипи за држави и региони.

Лудата страна на најпаметните меѓу нас.

Некои студии велат дека симетријата е она што ги прави лицата привлечни. Други пак сугерираат дека токму асиметријата на линиите на лицето оддават впечаток. Кога сме кај вториве, Том Јорк од Рејдиохед е енциклопедиски пример. Дечкото е тотално изместен ама па кога ќе го наместиш, на ништо не личи.

Во чест на Даглас Адамс фановите деновиве го одбележаа нивниот "Ден на пешкирот". Адамс беше човек кој знаеше со малку да зборови да произведе едноставни а генијални заклучоци. Еве што рече за нашиот однос кон технологијата.

Насловот звучи премногу лесно и проектот како таков веројатно го остварувате неколку пати неделно, ама не збориме за тоа. Идејата е ладно пиво во секое време, без фрижидери, струја, кабли и слични потребштини. Се што ви треба е дупка во двор.

Иако симпатична е и македонската гуглизирана верзија на свадбата на неподносливо присутните Ким Кардашиан и Канје Вест, најдобрата вест за свадбата сепак ја имаше Њујорк Пост.

Медиумите најавуваат дека екс центарот на Хјустон Рокетс планира да го купи ЛА Клиперс од анатемисаниот Доналд Стерлинг Велат, ова ќе бил ГОЛЕМ потег за Јао Минг. А вистината е дека за него ништо не може да биде големо бидејќи е тоа човек кој го прави светот околу себе мал.

Наспроти сите сајтови што се тука да го разубават 19-то селфи што сте го направиле од утрово, стои Коруптус кој ќе направи сè за вашата фотка да изгледа како да ја спопаднале сите можни проблеми и грешки што може да и се случат.

Како да го гледаш кодот на Матрикс, само што се работи за Твитер. Следење во живо на сите популарни емотикони кои се исфрлаат на оваа социјална мрежа.

Затоа што сме навикнати за кој било фаул на фудбал да потрошиме незамисливо многу време (во споредба со тоа колку заслужува), да се палиме и до смрт да му памтиме клизачи на некого, може ќе ни дојде чудно како вистински мажи се справуваат со фаул (како овој на сликава)

Да ви раскажеме еден математички модел за тоа како се одбира вистинската жена. Верувајте, бидејќи на светов има повеќе луѓе кои се разбираат во математика отколку во жени.

Ултразабавен сајт посветен на статистичките корелации, една од омилените алатки на џанк науката или политичките дебати. Сè со сè можеш да поврзеш и после да си тегнеш заклучоци до бескрај.

Ова е моментот кој означуваше крај на професионалната кариера на тореадорот Алваро Мунеро. Сам објаснува за што се работи.

Луксузните брендови не продаваат производи, тие продаваат стилови на живеење. На тема како би изгледало пакувањето на храната кога таквите брендови би се префрлиле во прехрамбената индустрија, мозгала дизајнерката Пеги Мергуи.

Студент останува делумно парализиран во сообраќајка и завршува во болница на подолг период. Додека е таму, никој ама никој не му доаѓа во посета, ниту семејството. Тој пушта твит дека е сам и дека никој не го посетува. После твитот се случува ова:

Во средина на 80-те кога на големо беснее војната во Либан, луѓето на Хезболах во Бејрут во киднапираат 4 советски дипломати. Советите својот проблем го решаваат во рок од 30 дена.

Руската православна црква беше една од инстанците кои се згрозија и ја осудија појавата на Кончита на Евровизија. За неупатените, еден руски блогер возврати со фотографија од оние кои се решително против мажи со бради облечени во фустани.