37 годишниот Џон Пелки бил убиен во пукање во една сообраќајна кавга во Аризона. Три години подоцна, му се враќа на човекот кој го уби, извесен Габриел Хоркасита. Се случува тоа во судница, на денот кога ќе му се изрекува пресудата на Хоркасита. Ликот и гласот на Пелки се ре-креирани од вештачка интелигенција а пораката ја напишала сестрата на убиениот, жена која знае колку брат ѝ знаел да  простува.    

Пред 15-тина години, студии покажуваа дека во Индија околу 400.000 до 500.000 луѓе годишно умираат од болести поврзани со лоши санитарни услови и нечиста вода (дијареја, колера, тифус...). Од нив, околу 100.000 се деца под пет години (300 на ден). Државата спроведуваше големи акции како онаа „Swachh Bharat Abhiyan" (Чиста Индија), ама сега ќе видите тоа како оди.

Арон Стерлинг е музичар, тапанар и продуцент кој си поигрува со познати песни така што ги вади од своето природно ритмичко лежиште и им дава сосема друга конотација и атмосфера. За среќа, не е единствен кој се бави со вакви занимации (нам ни е тоа ептен забавно) и кои докажуваат дека и кавер на некоја песна не мора да звучи тезгарошки досадно.  

Имаат рубрика во која еден од нив раскажува приказна која му се случила и другите на крај погодуваат дали приказната е вистинска или измислена. Кевин Бриџес им кажува како еднаш несакајќи купил коњ. Етe така. Сакал само да го изнајмат на 25 минути а испаднало дека го купил за негов да биде. Никој не му поверува. Вие нема причина да не поверувате ако знаете дека дилот се случува во Бугарија.

Размислете за овие нејзини умни зборови: „Она што не можам да поднесам на ТикТок е кога девојки ги подучуваат другите девојки и жени да не се задоволуваат со малку; видeте ми ја чантата, чевлите, видете како ми изгледа спалната....“ Што се постигнува со тоа? Со тоа ве форматираат и подготвуваат да бидете клинички незадоволни од партнерот и она што тој може да го понуди.

Бендот се вика ХАКУ, составен од четири јапонски срцки од Осака, имаат преработка на песна од групата MONO NO AWARE која ем е ужасно заразна, ем ќе посакате да ја научите на памет, ем ќе сфатите дека нема шанси за тоа. Песната се вика Kamukamo Shikamo Nidomokamo (Може да те гризнам, можда и двапати) ама чекајте да го видите целиот текст. Учете или просто уживајте.

Како би изгледало да се воведе задолжителен воен рок денес, за генерации кои се малку повеќе разгалени од некогаш и чија лежерност не е компатибилна со ригидниот ритам на војничкиот живот. Додуша, симулацијата важи и за ситуација кога воен рок би им се наметнал на Црногорци.

Се земаат школки од многу чисто езеро. Се ставаат во резервоар во кој протекува вода од Висла, наменет за резиденцијалните делови од градот. Ако школките стојат цело време 100% отворени, водата е чиста и неконтаминирана. Доколку 6 од 8 школки се затворат или повеќето се затворат на 25% ...тоа е знак за аларм и преземање мерки. Кај нас би се блиндирале уште кога ќе ја „помирисаат“ водата на Вардар.

Во светот тоа се прави со паметно распореден експлозив и прецизен тајминг па таа паѓа со огромен тресок, облаци прашина и вагони градежен шут. Во Јапонија поинаку: на зградата ѝ прават шасија и одвнатре ја делкаат. Тивко, мирно, без бучава и без прашини. Само што, ако минуваш често покрај таква зграда а таа секојпат е сè помала и помала, можеш да помислиш дека си се штракнал во главата.

Архивот на Србите од Хрватска донесуваат досега непознати сведоштва на сопругата на Јосип Броз Тито, со која пред доста години разговарал некогашниот новинар и денешен дипломат, Драган Бисениќ. Разговорите неколкупати биле водени од 2010 до 2012 година во вилата Бор во Белград каде Јованка ги мина последните денови од животот. Политички афери и сплетки, одземање имот, грст дијаманти....

Кога го снимате Тито на брод и маршалот за момент ја остава пијачката на маса за да запали пура, што би ви паднало на памет? На Гањо му дошло да проба виски баш од таа чаша. Што да не? Ај да речеш еднаш, ама нашиов трзнал и по втор пат, само што тогаш некој од обезбедувањето дискретно му дал до знаење дека ако уште еднаш ја пипне таа чаша, со пливање ќе се враќа назад.

Не се баш чести признанија како што е ова на пакистанскиот министер за одбрана, на обвинувањата дека долго време вршеле обуки, финансирање и поддршка на разни терористички организации. „Три децении ги вршевме валканите работи на Америка, Велика Британија и Западот,“ вели министерот на државата која брои речиси 250 милиони луѓе.

На 71 годишна возраст почина Дејвид Лин Томас, вокалистот на култната група Pere Ubu. Долго време бил болен но го завршувал новиот соло албум за кој знаел дека ќе биде последен. Имаше препознатлив, висок глас, кој се опишуваше како „Џeјмс Стјуарт заробен во обоа.“ Починал дома покрај својата сопруга и поќерка. На радио свиреле MC5. 

Дечко и девојка се карааат околу нешто и тој во еден момент на очај решава да се фрли преку џам! Таа се обидува да го спречи во намерата но тој сепак успева да го скрши прозорецот и да се фрли преку него. Како тогаш викаме дека ова е љубовна кавга зо хепиенд? Ќе видите.

Просечните европски умови никогаш нема да сфатат како е можно Американците толку долго и натаму сè палат на нивните кечери. Аргументот е оној прастариот, дека све тоа е наместено и дека не се тепаат вистински. Ела да видите колку е тоа, не само стварно, туку и стварно забавно. А за тепањето.... оти па на Евровизија вистински се тепат.

- Сакам да се извините, тоа е навредливо, вели навреденото лице.  - Транџа е навредливо за тебе? - Па, да. - Транџа, транџа, транџа... Да чуете само како еден умиљат „женски глас“ на навреденото лице веднаш беше заменет со оној глас кој дошол во биолошкиот пакет.

Да се потсетиме на една емотивна сцена кога Папата Франциско го теши малото момче кое неодамна го изгубило својот татко. Неволно му приоѓа на Папата за да праша дали неговиот татко е во рајот бидејќи не бил верник (иако ги крштевал своите четири деца) но бил добар човек. „Дојди, дојди, Емануел, кажи ми на уво,“ му вика Франциско за да го гушне и сослуша пред да побара дозвола да каже што зборувале. Инаку, Емануел значи „Господ е со нас.“

Никако да отидеме на Коачела, фестивал кој со години ни прави лиги со нивниот секогаш импресивен кастинг на музичари и бендови. Додуша, годинава лајн ап-от ни се чинеше малку послаб од вообичаеното, или пак ние веќе не успеваме да следиме што се случува на глобалната музичка сцена. Како и да е, си спремивме мало пакетче за дел од она што не слушнавме и видовме и оваа година.

Можете ли да го замислите изненадувањето на репортерот кога решил да дигне микрофон и да им земе изјава на овие две сестри близначки? Можно е да помислил дека главата уште не му е изветреана од последната запивка. Деталите од незгодата за кои сведочат сестрите не се битни, ама без разлика на тоа, ќе ги слушнете дупло.

Кантри легендата Вејлон Џенингс требало да биде во авионот во која загина Бади Холи но во последен момент сменил план. Тој ден, трети февруари 1959 година, историчари на музиката го означија како „денот кога музиката умре“ а Џенингс никогаш си нема простено за она што последно му го рекол на пријателот кого го сакал и кому му се восхитувал. 

Никаб и бурка, тие проширени и надградени верзии на хиџабот, жени ги носат зашто некои толкувачи на словото на Куранот тврдат дека така треба: да се покрие сето лице и сите делови на телото кои можат да предизвикаат страсти кај мажите. Има бурката и една друга функција: што нема да те видат која си кога ќе се збуниш на прашањето: зошто тогаш и мажите не ги носат? 

Легендарниот Кит Мун, оригиналниот тапанар на The Who, му го има подарено првиот сет тапани на синот на Ринго Стар, Зак Старки, за неговиот осми роденден. Во 1996-та, бендот го земаат Старки за свој тапанар. 31 година подоцна, му даваат отказ. Заради него, Роџер Далтри ја прекинува песната “The Song Is Over” во Ројал Алберт Хол, зашто од тапаните не можел да чуе во која интонација треба да пее. Го имаме моментот.

Пошто не разбираме ерменски, не знаеме баш што зборува нивниот премиер Никол Пашиниан за обвинувањата дека е корумпиран и полн пари ко брод. Ама од неговиот драматичен настап (мемето само се прави), или е невин ко бебе или е крив до гуша. Колку мафта со раце, следно ќе го обвинат дека е италијански шпион.

Женска екипа во која беа и Кети Пери и попластичната половина на Џеф Безос, минаа вкупно десетина минути отаде работ на вселената. Се нарекуваа екипаж (кога ќе седнете четворица во такси, екипаж сте?) Опра се расплака, Кети пресуди дека тоа било, ни помалку ни повеќе - „историско патешествие“ кое нејзе лично ѝ помогнала да сфати колку љубов има во себе. Едни драми, едни непотребности....