„Повеќето луѓе немаат смислено сценарио за тоа како треба да се одвива една тројка,“ вели организаторот на студијата, Др. Џастин Лехмилер. „Звучи како одлична идеја… но реалноста е често многу поинаква од она што го имаме во глава.“
Друго истражување, од 2017 покажува дека еден од петмина на некој начин учествувал во секс во тројка, што е еднакво често колку имање мачка.
Тие што уште немале тројка, ја замислуваат како едноставна равенка - поврзаноста и сензацијата меѓу двајца, помножена со 150%. Паровите дури и можат третата личност да ја сметаат за помошник, или додаток за зголемување на задоволството, а всушност, работата е многу покомплексна од едноставните комбинации на ЖЖМ или ММЖ (Ж=жена, М=маж). Самиот факт што многу поретко се зборува за ЖЖЖ и МММ треба нешто да ни каже.
Учесниците може да имаат различни мислења околу тоа колку тоа предвреме треба да се дискутира, што надминува граници и кој ќе биде центар на внимание. „Луѓето сакаат да учествуваат во тројки од различни причини,“ вели Лехмилер. Што значи дека најчестата сексуална фантазија можеби е и најслабо разбрана.
Истражувањата добиваат непријатна димензија кога ќе се разгледаат сведоштвата на жени што изјавиле дека „некако не можеле да кажат не“ или „незгодно би било да се повлечат“. И од мажите некои зажалиле, особено кога чинот вклучувал другар. Со оглед на тоа колку често мора „со убедување“, во многу случаи излегува дека чинот е алтруистичен, каде што, помалку ентузијастичниот партнер не само што не се потресува околу тоа, туку не се ни замара, а во тројката учествува затоа што на партнерот ќе му значи.
Вистината е дека многу тројки се случуваат од желба за нешто ново и поинакво. За помладите, тоа значи „конзумеристичка сексуалност“, или пробување сѐ, пред да се смириш во сериозна врска. Сепак, Лехмилер забележува дека интересот за тројки е доста мал кај студенти, на пример, а главно го наоѓа кај луѓе на возраст од околу 40 и годините што следат потоа.
Излегува дека тројките се нешто што се наметнало како модерно во ’80-ти, па уште ги врткаат во глава луѓето што денес имаат 40, 50 и повеќе, без разлика дали ги доживеале или не. На новиве деца изгледа не им е ништо посебно.
Главно, треба да се внимава со очекувањата околу тоа како треба да помине една тројка, особено ако ви е прв пат.
Реалноста речиси никогаш не изгледа како фантазијата, во овој случај.
