- Не е ова некоја стара приказна, од златните денови кога Ана Делви прелажа половина Њујорк дека е европска наследничка - не, сега ја следат од рочиште, до рочиште и прават приказна од нејзините модни комбинации додека оди да се расправа со службеникот што ѝ е назначен за условната казна.
- Не само што сѐ уште ги вози, туку и насловот во The Cut ѝ ги вклучува штиклите од Маноло Бланик.
- Ана Делви орележа 21 месец во затвор, па ја задржаа уште 18 месеци.
- Еден од проблемите е што е во куќен притвор, а гардеробата „си бара освежување“.
- За Делви пишувавме во „Измамниците се новиот Холивуд“ и „Како се живее со туѓи пари“.
- По контроверзни коментари во монолог во неговата емисија, телевизиската мрежа АБЦ реши да го тргне Кимел од екраните „на неодредено“.
- На тема убиството на Чарли Кирк, Кимел кажа дека „од петни жили МАГА се трудат да докажат дека детево не е нивно“, и се шегуваше со изјава на Трамп на прашањето како се чувствува во врска со случајот.
- Зад кулисите се зборува дека одлуката не е од вчера.
- Инаку, десничарите некако баш засакаа кансел-култура.
Фотографија
- Деби Хари треба да полни 80 години. Нека ви легне прво таа информација.
- Седнува на интервју со Венити Фер и зборува за предизвици за 50 милиони продадени албуми и хитовите.
- Најмногу се гордее со врските, со соработките со врвни таленти и среќата што ја имала. И тоа што бендот уште се држи и после 50 години.
- „Со моето минато (посвоена е) ако навистина сакав деца, ќе посвоев, затоа што би знаела што да му кажам на тоа дете. Но, како што реков, сакав да избегам од тоа среднокласно очекување. Се очекуваше од мене да се мажам и да раѓам и тоа беше многу далеку од она што го имав на ум. Затоа и многумина нѐ имаше што гравитиравме кон Њујорк - сакавме да комуницираме со други уметнички настроени луѓе што размислуваат како нас.
