Off Café › Набрзинка

Само 82 песни во историјата се дијамантски

3 август 2022

Дијамантски сертификат добиваат песни што стануваат десеткратно платинести.
Интересно е што списокот баш и не изобилува со стари или прастари песни кои сигурно заслужуваат дијамантски статус, најверојатно затоа што не може да им се измери „ричот“ како на денешните.
Прва дијамантска песна е Something About the Way You Look Tonight / Candle in the Wind. Статусот го добива две години пред да се отвори ова признание. Оттогаш, ретко се дава - ако песната надминала барем 10 милиони еквивалентни единици со комбинирање продажба и стриминг бројки и ако уметникот или издавачот побара сертификат.

извор

ТикТок, Ендру Тејт и по некоја шега не се вистинската мизогинија

30 август 2026

Во есеј за Спајкд, Џорџина Мамфорд расправа дека политичарите се премногу фокусирани на културолошка, или онлајн мизогинија - како Ендру Тејт, мажосферата, токсичната машкост или сексистичкиот јазик на социјалните мрежи - а никако да се справат со реално насилство против жени и девојки.
Појавата ја нарекува митска мизогинија - нејасни културолошки ставови што тешко се мерат, а се наоѓа наспроти материјалната мизогинија што и тоа како ја има - силување, сексуални напади, семејно насилство, убиства за чест, итн. Главниот аргумент е дека владините кампањи и часовите во школо нема значајно да го намалат сериозното насилство ако полицијата и судовите не ги гонат злосторниците и не ги заштитат жртвите.
Со една реченица, доста ги третираме ТикТок, Ендру Тејт и сексистичките шеги како главниот проблем со мизогинијата - вниманието треба дасе насочи кон реално, постоечко насилство и на институционалната нефункционалност што го дозволува.

извор

Загубената уметност на бивање инвентар во кафич

14 август 2026

На Есквајер се појави еден шармантен текст, за едно добро што го губиме - да одиш каде што те знаат, а тие околу тебе навидум да немаат врска со тебе. А имаат, паметиме многу добро.
„Во Гертруд запознав група на луѓе што може никогаш не би ги видел надвор од ѕидовите на ресторанот. Заедница во најбазична смисла - не е дома, не е работа и не мора да значи дека е приватна, но е искуство што радо го бирам. Во време кога постојано, можеби потсвесно сами го бираме нашиот светоглед и алгоритам во хипер-персонализирани меури, да запознаеш некој што не е на твоја возраст, што не плаќа исти даноци како тебе, што не живее во истиот дел од интернетот како тебе - тоа ни е потребно сега повеќе од кога и да е.“
Дали онлајн резервациите, хајпот на социјалните мрежи, долгите редици и апликациите за испорака на храна отсекогаш до толку нè изолирале едни од други?

извор