- Да, ја знаеме како Елевен од Stranger Things, и како актерка од други големи филмови. Ама, Мили живее на фарма со над 60 животни и тоа не само за сликање - активно ги чува, ги вакцинира, ги спасува, ги разнесува, ги проверува и живее со нив.
- Во ташна носи скенер за микрочипови, па ако најде животно без чип, го прибира веднаш и преку нејзината организација Joey's Friends, именувана по едно од нејзините кучиња, им наоѓа семејства.
- Сега и студира ветеринарна медицина и ѝ останува уште да присуствува на операции за конечно да се оспособи професионално.
- Фотографот Дерек Ц. Бласберг, денес соработник во Харперс Базар меѓу 2009 и 2012 се шетал со Канон Пауершот и го документирал светот на модата, уметноста и ноќната сцена во Њујорк.
- Книгата се вика Fast + Louche и е колекција на слики што ги правел за колумна со истиот наслов за магазинот Интервју.
- Самата колумна се развива од историјата на Интервју - Ворхол кој го има основано магазинот бил опседнат со дкокументирање на сопствените „излегувања и влегувања“.
- Книгата е сега сведоштво на едно друго комплицирано и слоевито време - далеку поедноставно од ова денес.
- Додека Лорен Безос (сегашната сопруга на Џеф Безос) се мачи да ја прифатат на холивудската и модната естрада, Мекензи Скот (бившата) се заветува дека „има да подарува додека не пресуши“.
- Ако само лани вкупните донации достигнале до 19,2 милијарди долари, скоро една третина - 7 милијарди - е од Мекензи Скот.
- Безос се ожени за неа во 1993, една година пред да го основа Амазон во нивната гаража дома. Имаат три сина и ќерка и се разделија во 2019.
- Скот, која сега има 56 години има донирано над 26 милијарди на над 2700 организации.
