- Крис Нот ни во највисоките врвови на „Сексот и градот“ не бил толку популарен колку што е последнава недела, па две жени одлучуваат дека токму сега е моментот да изнесат сведоштва дека ги нападнал сексуално - не се поврзани, наводно не се познаваат, а нападите се случиле со десет години разлика.
- И двете жени сведочат дека наивно му паднале на шармот, но кога отишле кај него дома, сфатиле дека „нејќат“, а тој ги силувал. И двете биле истрауматизирани долги години и сакале да заборават, но новата серија и популарноста им „разбудиле стари рани“.
- Крис Нот категорично негира: „Нека се приказниве и од пред 30 години и од пред 30 дена - не секогаш значи не - тоа е граница што не сум ја преминал. Средбите биле консензуални. Тешко е да не се запраша човек за тајмингот на овие приказни. Не знам со сигурност зошто излегуваат сега, но едно знам сигурно: не сум ги нападнал овие жени.
- Стварно е тешко да не се запраша човек за тајмингот.
- Ни се заканува нешто што се вика кафе-апокалипса. Некои истражувања покажуваат дека климатските промени влијаат на места каде што се одгледува кафе и дека до 2050, ќе има помалку од половина од залихите што ги имаме сега.
- Жешките температури ги прават растенијата поранливи на штетници и други закани. Во исто време, сè повеќе се бара кафе во светот.
- Во обид да се одложи ова, има научници што работат на нови, поиздржливи зрна, што би нè спасиле од овие проблеми - растат клетки од кафе во лабораторија, наместо на дрва. Други бараат замени и одржливи состојки, а додаваат кофеин, заради ефектот.
- Во дистопискиот расказ на Џ. Г. Балард, „Градината на времето“ кој беше инспирација за дрес-кодот оваа година, супер-богатите се кријат во луксуз, додека „небањатите“ креваат бунт. Така малку непријатно, како за тема за најголемиот моден настан во годината.
- Темата е избрана пригодно за изложбата на Институтот за костими Заспани убавици: Одново будење на модата, што е истражување на многу парчиња од архивите на Мет кои се станати премногу нежни за носење. Сега се реанимирани со технологија, ВИ и аудио и служат како метафора за фрагилноста на модата и како начин да се испитаат цикличните теми на преродувањето и обновувањето.
- Јавноста се фокусираше на метафоричната значајност на расказот, истакнувајќи го пак неговото истражување на тенденцијата на човештвото кон циклуси на создавање и уништување. И има некаква вистина во ова, но како намерно да игнорираат поочигледна поента - ова е расказ каде што последниот бастион на богатите ќе го прегази толпа од работничката класа.
- Која и да е причината, има една иронија во тоа да се влече инспирација токму овој расказ на Мет Гала.