Off Café › Набрзинка

Човекот што го облекуваше Зиги Стардаст

26 декември 2021

Дејвид Боуви и јапонскиот Дизајнер Кансаи Јамамото имаат создадено некои од најиконичните, родово-извртувачки костими што некогаш се појавиле на сцена. Сепак, Јамамото не е толку познат колку големата тројка од јапонски дизајнери - Исеи Мијаки, Реи Кавакубо и Јоши Јамамото. Неговото портфолио е полно бои и инклузивност и со радоста што и Боуви ја почувствувал.
Еднаш има признаено дека нема кола, ама има два балони на топол воздух.
Реално, каков ум треба да си, за да облекуваш човек како Боуви? Особено кога веќе знаеме дека луѓе како Клаус Номи му привлекуваат внимание?
„Кансаи сам си ги бираше моделите и сакаше сесиите да бидат етнички мешани (и со право“, се сеќава славниот фотограф Клајв Ароусмит. „Ова беше исклучок во тоа време.“ И кога ќе се погледнат старите ревии, навистина е поинакво: покажува околина што не се сфаќа себеси пресериозно и се посветува на инклузивноста што е толку потребна во модата и ден денес.

извор

30 „старечки“ навики за подобар живот

3 февруари 2026

Па, што ако се „бапски“, ако можат уште на 30 да ти го разубават животот?
Одење во кино преку ден, излегување на доручек наместо на пијачка, сечење десерти на половини или третини... Сите овие, плус уште „старечки“ активности воопшто не се за старци, туку старците се тие што треба да ги имитираме - затоа што имаат доволно години да знаат што е добро.
И реално, како сме мислеле дека пијачка во бучна кафана до ниедно време, лактајќи се со луѓе е подобра од опуштено појадоче со палачинки во сабота во 10 со друштво?

извор

Почина Кетрин О‘Хара

30 јануари 2026

Најмногу ја знаеме како „мајката од Сам дома“, ама Кетрин О‘Хара беше глумчиште што газеше каде и да влезе - од Битлџус до Студио, каде што сигурно ќе фали.
Ако ви се гледа нешто со неа: Six Feet Under, A Series of Unfortunate Events, The Studio или Schitt's Creek.
Имаше 71 година.